បណ្តុំរូបភាពនៃព្រឹត្តិការណ៍នានាមកពីជុំវិញពិភពលោក ១៤ កញ្ញា ២០១៧។
រូបភាពជុំវិញពិភពលោក ១៤ កញ្ញា ២០១៧
១
ក្រុមជនភៀសខ្លួនរ៉ូហ៊ីងយ៉ា លើកដៃដើម្បីទទួលអំណោយដែលចែកដោយអង្គការក្នុងស្រុកមួយនៅជំរំ Balukhali ក្នុងស្រុក Cox's Bazar ប្រទេសបង់ក្លាដែស។
២
ស្ត្រីកាន់សាសនាឥស្លាមជនជាតិរ៉ូហ៊ីងយ៉ាម្នាក់ ឈ្មោះ Hanida Begum ដែលបានឆ្លងដែនចូលមកប្រទេសបង់ក្លាដែសពីប្រទេសមីយ៉ាន់ម៉ា ថើបកូនប្រុសរបស់នាងឈ្មោះ Abdul Masood ដែលបានស្លាប់នៅពេលដែលទូកពួកគេជិះមកបានក្រឡាប់មុនពេលមកដល់ឆ្នេរសមុទ្របេងហ្គាល់ ក្នុងតំបន់ Shah Porir Dwip ប្រទេសបង់ក្លាដែស។
៣
ប៉ូលិសបង្ក្រាបបាតុកម្មឃុំខ្លួនបាតុករក្នុងពេលមានការកាត់ក្ដីគ្រូបង្រៀនតួកគី២នាក់ ដែលបានធ្វើកូដកម្មបង្អត់អាហារដោយសារតែការបណ្តេញពួកគេចេញពីការងារដោយយោងតាមក្រឹត្យរបស់រដ្ឋាភិបាល ក្រោយពេលមានរដ្ឋប្រហារដែលបរាជ័យកាលពីឆ្នាំមុន នៅខាងក្រៅអាគារតុលាការក្នុងទីក្រុងអង់ការ៉ា ប្រទេសតួកគី។
៤
ក្រុមអ្នកជិះម៉ូតូកំពុងប្រកួតគ្នាក្នុងវគ្គឈានទៅកាន់ការប្រកួតប្រណាំងម៉ូតូ Bol d'Or 24-hour នៅថ្ងៃទី១៤ ខែកញ្ញា នៅទីលានប្រណាំងម៉ូតូ Paul Ricard ក្នុងក្រុង Le Castellet ប្រទេសបារាំង។
៥
ទូកដែលលិចត្រូវបានគេថតពីលើអាកាសនៅចំណុច Key ក្នុងក្រុង Marathon រដ្ឋ Florida សហរដ្ឋអាមេរិក។
៦
ក្មេងស្រីម្នាក់ដាក់ក្បាលរបស់នាងនៅលើកន្សែងដែលនាងទទួលបានពីកាកបាទក្រហមអាមេរិកាំង នៅក្នុងជំរកបណ្តោះអាសន្ន ក្រោយពេលនាងបានមកដល់ ក្រុង San Juan កោះ Puerto Rico។ នាងបានមកដល់ទីនេះជាមួយនឹងក្រុមគ្រួសារដោយជិះលើនាវាដែលប្រើដើម្បីសង្គ្រោះមនុស្សចេញពីកោះការ៉ាអ៊ីប ដែលរងការបំផ្លាញដោយខ្យល់ព្យុះ Irma។
៧
រន្ទះបានបានបាញ់នៅខាងក្រោយកាស៊ីណូ Las Vegas Strip នៅពេលដែលព្យុះភ្លៀងមួយបានបោកបក់កាត់ក្រុង Las Vegas រដ្ឋ Nevada សហរដ្ឋអាមេរិក។
៨
ផ្ទៃខាងក្នុងនៃឡានរបស់ក្រុមហ៊ុន Yanfeng ក្នុងពេលដាក់តាំងបង្ហាញនៅ Frankfurt Motor Show ក្នុងក្រុង Frankfurt ប្រទេសអាល្លឺម៉ង់។
៩
ក្មេងប្រុសបង់ក្លាដែសម្នាក់ដើរទៅកាន់ទូកដែលកំពុងចត ខណៈដែលផ្សែងបានហោះឡើងចេញពីព្រំដែនប្រទេសមីយ៉ាន់ម៉ា ត្រង់ចំណុច Shah Porir Dwip នៃប្រទេសបង់ក្លាដែស។
១០
រូបភាពបង្ហាញពីផលប៉ះពាល់របស់ព្យុះ Irma ដែលត្រូវបានបង្ហោះដោយក្រុមបេសកជនផ្នែកកសិកម្មនៃរដ្ឋ Florida។