រូបភាពជុំវិញពិភពលោក៖ ១២ កញ្ញា ២០២២
ពីប្រទេសស្កុតលែន អៀរឡង់ខាងជើង អ៊ុយក្រែន ប៉ាពួនូវែលហ្គីណេ កូរ៉េខាងត្បូង នេប៉ាល់ ប្រេស៊ីល និងរុស្ស៊ី៕
១
ព្រះមហាក្សត្រ Charles ទី ៣ និងសមាជិករាជវង្សដទៃទៀតនៃចក្រភពអង់គ្លេស ចូលរួមព្រះរាជពិធីកាន់ទុក្ខក្បែរមឈូសព្រះមហាក្សត្រិយានី Elizabeth ទី ២ នៅព្រះវិហារ St. Giles Cathedral ក្នុងរដ្ឋធានីអេឌីនប៊ឺក (Edinburgh) នៃប្រទេសស្កុតលែន។
២
(ពីខាងឆ្វេង) ព្រះអង្គម្ចាស់ Edward ព្រះអង្គម្ចាស់ Andrew ព្រះមហាក្សត្រ Charles ទី ៣ ព្រះម្ចាស់ក្សត្រិយ Camilla ព្រះអគ្គមហេសីនៃព្រះមហាក្សត្រ ព្រះនាងម្ចាស់ Anne និងឧត្តមនាវីឯកលោក Sir Tim Laurence ទតព្រះអង្គម្ចាស់ Duke of Hamilton ដាក់មកុដ Crown of Scotland លើមឈូស ក្នុងអំឡុងព្រះរាជពិធីបួងសួងនិងរំឮកពីជីវិតរបស់ព្រះមហាក្សត្រិយានី Elizabeth ទី ២ នៅព្រះវិហារ St. Giles Cathedral ក្នុងរដ្ឋធានីអេឌីនប៊ឺក ប្រទេសស្កុតលែន។
៣
ព្រះមហាក្សត្រ Charle ទី ៣ និងព្រះម្ចាស់មហាក្សត្រិយ Camilla ស្តាប់ប្រសាសន៍របស់ប្រធានសភាលោក Sir Lindsay Hoyle ក្នុងសាល Westminster នៅក្រុងឡុងដ៍ ជាទីដែលសមាជិកសភាទាំងពីរថ្នាក់បានជួបជុំ ដើម្បីចូលរួមរំលែកទុក្ខ ក្រោយពីការសោយទិវង្គតរបស់ព្រះមហាក្សត្រិយានី Elizabeth ទី ២។
៤
កុមារីម្នាក់ឱបតុក្កតាខ្លាឃ្មុំ Paddington និងតុក្កតាសុនខពូជ Corgi ពេលរង់ចាំក្បួនដង្ហែមឈូសរបស់ព្រះមហាក្សត្រិយានី Elizabeth ទី ២ ពីវិមាន Holyroodhouse ទៅកាន់ព្រះវិហារ St. Giles Cathedral លើមហាវិថី Royal Mile ក្នុងរដ្ឋធានីអេឌីនប៊ឺក ប្រទេសស្កុតលែន កាលពីថ្ងៃទី១២ ខែកញ្ញា ឆ្នាំ២០២២។
៥
ស្រ្តីម្នាក់ដាក់ផ្កានៅវិមាន Hillsborough បន្ទាប់ការសោយទិវង្គតរបស់ព្រះមហាក្សត្រិយានី Elizabeth នៅភូមិ Royal Hillsborough នៃប្រទេសអៀរឡង់ខាងជើង។
៦
ពលរដ្ឋឈរតម្រង់ឈួរដើម្បីចូលទៅព្រះបរមរាជវាំង Buckingham Palace ដើម្បីបង្ហាញការគោរពដល់ព្រះមហាក្សត្រិយានី Elizabeth ទី២ ដែលបានសោយទិវង្គតកាលពីថ្ងៃព្រហស្បតិ៍ ទី ៨ ខែកញ្ញា នៅព្រះរាជដំណាក់ Balmoral ក្នុងប្រទេសស្កុតលែន ក្រោយពីបានសោយរាជ្យអស់រយៈពេល ៧០ឆ្នាំ។
៧
ទាហានអ៊ុយក្រែនធ្វើដំណើរតាមរថក្រោះ អំឡុងពេលប្រតិបត្តិការប្រយុទ្ធតបតក្នុងតំបន់ Kharkiv នៃប្រទេសអ៊ុយក្រែន ក្នុងរូបថតមួយដែលត្រូវបានផ្សព្វផ្សាយដោយកងកម្លាំងប្រដាប់អាវុធអ៊ុយក្រែន។
៨
កុមាររងគ្រោះម្នាក់ត្រូវបានសង្គ្រោះតាមអាកាស បន្ទាប់ពីមានគ្រោះរញ្ជួយដីនៅក្រុង Obura-Wonenara ប្រទេសប៉ាពូអាស៊ី នូវែលហ្គីណេ កាលពីថ្ងៃទី ១១ ខែកញ្ញា ឆ្នាំ២០២២។
៩
អ្នកចូលរួមធម្មយាត្រាកាន់និកាយស៊ីអ៊ីតជនជាតិអ៊ីរ៉ង់ដើរលើដងផ្លូវមួយ បន្ទាប់ពីបានចូលមកប្រទេសអ៊ីរ៉ាក់តាមច្រកព្រំដែនរវាងអ៊ីរ៉ង់និងអ៊ីរ៉ាក់ នៅក្នុងក្រុង Zurbatia ស្របពេលពួកគេធ្វើដំណើរទៅកាន់ក្រុងពិសិដ្ឋ Kerbala ក្នុងប្រទេសអ៊ីរ៉ាក់ ដើម្បីចូលរួមពីធីបុណ្យ Arbaeen របស់អ្នកកាន់និកាយស៊ីអ៊ីត។
១០
គូស្នេហ៍មួយគូថតរូបនៅសួនផ្កាឈូករ័ត្នក្នុងឧទ្យានមួយ ក្នុងក្រុង Yeoncheon នៃប្រទេសកូរ៉េខាងត្បូង។
១១
ស្រ្តីម្នាក់ទទួលទានស្រាបិតដោយដៃ បង្ហូរចេញពីមាត់របស់អាទិទេព «Swet Bhairab» ក្នុងអំឡុងពិធីបុណ្យ Indra Jatra ដើម្បីផ្តល់ការគោរពដល់អាទិទេពIndra អាទិទេព Kumari ក៏ដូចជាអាទិទេពដទៃទៀត និងដើម្បីអបអរសាទរការឆ្លងផុតរដូវមូសុង ក្នុងរដ្ឋធានីកដ្ឋមណ្ឌូនៃប្រទេសនេប៉ាល់ កាលពីថ្ងៃទី១១ ខែកញ្ញា ឆ្នាំ២០២២។
១២
តារាចម្រៀងរ៉េបអាមេរិក Megan Three Stallion សម្តែងក្នុងអំឡុងមហោស្រពតន្ត្រី Rock in Rio ក្នុងក្រុង Rio de Janeiro នៃប្រទេសប្រេស៊ីល កាលពីថ្ងៃទី១១ ខែកញ្ញា ឆ្នាំ២០២២។
១៣
បុរសម្នាក់ដើរជាមួយសុនខមួយក្បាល នៅកន្លែងធ្វើអាជីវកម្មរ៉ែធ្យូងមួយដែលត្រូវបានបោះបង់ចោល នៅក្នុងតំបន់ភ្នំ Romantsevsky ដែលបានប្រែក្លាយជាកន្លែងទេសចរណ៍មួយ ជិតភូមិ Konduki ក្នុងតំបន់ Tula ប្រទេសរុស្ស៊ី កាលពីថ្ងៃទី១១ ខែកញ្ញា ឆ្នាំ២០២២។