កម្រងរូបភាពគួរឲ្យចាប់អាម្មណ៍អំពីហេតុការណ៍ និងទិដ្ឋភាពក្នុងប្រទេសនានានៅជុំវិញពិភពលោក។
រូបភាពជុំវិញពិភពលោក ១២ កញ្ញា ២០១៩
១
បុរសម្នាក់កំពុងប្រណាំងគោមួយនឹមនៅលើវាលភក់ ក្នុងពិធីប្រណាំងគោប្រចាំឆ្នាំឈ្មោះថា Kalapoottu នៅភូមិ Vengannur ស្ថិតក្បែរទីក្រុង Palakkad ប្រទេសឥណ្ឌា។
២
បង្អួចបាក់បែកនៅឯកសណ្ឋាគារមួយ ក្រោយពេលមានការផ្ទុះឃ្លាំងផ្ទុកគ្រាប់រំសេវ នៅជិតទីក្រុង Kyrenia ស្ថិតនៅភាគខាងជើងនៃប្រទេសស៊ីប។
៣
អ្នកទស្សនានិងអ្នកថតរូបកំពុងមើលភ្លើងលេខ ១១ នៅទីក្រុងញូវយ៉ក ចេញពីទន្លេ Hudson ពីទីក្រុង Jersey រដ្ឋ Jersey កាលពីថ្ងៃទី១១ ខែកញ្ញា ២០១៩ ដែលជាថ្ងៃខួបទី១៨ នៃការវាយប្រហារលើអាគារភ្លោះនៃជម្ឈមណ្ឌលពាណិជ្ជកម្មពិភពលោក។
៤
ក្រុមអ្នកកាន់ទុក្ខបានរត់ជាន់គ្នាបន្ទាប់ពីមឈូសដាក់សាកសពអតីតប្រធានាធិបតីស៊ីមប៉ាវេ លោក Robert Mugabe ត្រូវបានគេយកមកដល់កីឡដ្ឋាន Rufaro ក្នុងទីក្រុងហារ៉ារ៉េ ជាទីដែលគេនឹងដាក់តម្កល់សពលោកដើម្បីឲ្យសាធារណចូលគោរព។
៥
លោក Justin Trudeau នាយករដ្ឋមន្ត្រីកាណាដា បង្ហាញណែនាំខ្លួនបេក្ខជនសម្រាប់ការបោះឆ្នោតនៅស្រុក Vancouver Kingsway គឺអ្នកស្រី Tamara Taggart នៅក្នុងពិធីប្រមូលផ្ដុំមួយនៅទីក្រុង Vancouver ខេត្ត British Columbia ប្រទេសកាណាដា កាលពីថ្ងៃទី១១ កញ្ញា ២០១៩។
៦
ក្មេងប្រុសម្នាក់ឈរនៅលើស្ពានអាកាស លើកដៃរាទៅកាន់អ្នកបើកឡានដែលរំលឹកខួបនៃការវាយប្រហារភេរវកម្ម ថ្ងៃទី១១ កញ្ញា (កាលពីថ្ងៃទី១១ កញ្ញា ២០១៩) នៅជិតក្រុង Melvern រដ្ឋ Kansas សហរដ្ឋអាមេរិក។
៧
លោក Edi Rama នាយករដ្ឋមន្ត្រីអាល់បានី ដែលពាក់ស្បែកជើងកីឡា កំពុងចុះហត្ថលេខាលើសៀវភៅមួយក្បាលនៅពេលលោកមកដល់រដ្ឋធានីប្រាក ដើម្បីចូលរួមជំនួបកំពូល V4+West Balkan ក្នុងប្រទេសសាធារណរដ្ឋឆែក។
៨
សមាជិកនៃអង្គការបរិស្ថានមិនរកប្រាក់ចំណេញ Greenpeace USA កំពុងធ្វើការរារាំងមួយនៅលើស្ពាន Fred Hartman ដោយស្ទាក់ផ្លូវនាវា Houston Ship Channel ដែលជាកន្លែងតភ្ជាប់ឥន្ធនៈហ្វូស៊ីលធំជាងគេនៅសហរដ្ឋអាមេរិក។ ការរារាំងនេះធ្វើឡើងមុនពេលមានការជជែកដេញដោលលើកទី៣ នៃគណបក្សប្រជាធិបតេយ្យ នៅជិតទីក្រុង Houston ក្នុងក្រុង Baytown រដ្ឋតិចសាស់។
៩
ទិដ្ឋភាពពីលើអាកាសនៃស្ពាន Hong Kong-Zhuhai-Macau ដែលជាហេដ្ឋារចនាសម្ព័ន្ធសំខាន់នៅក្នុងគម្រោងតំបន់ Greater Bay Area នៅពេលថ្ងៃរះ នៅក្រុង Zhuhai ខេត្ត Guangdong ប្រទេសចិន។