វ៉ាស៊ីនតោន —
ប្រធានសហជីពកម្មករដ៏សកម្មម្នាក់ដែលរិះគន់រដ្ឋាភិបាលមិនសំចៃមាត់ត្រូវបានតុលាការកម្ពុជាបង្គាប់ឱ្យបង់ប្រាក់ធានាចំនួន២៥.០០០ដុល្លារនិងបង្ហាញខ្លួននៅប៉ុស្តិ៍ប៉ូលិសជារៀងរាល់ចុងខែបើមិនដូច្នេះទេនឹងត្រូវប្រឈមមុខនឹងការឃុំខ្លួនបណ្តោះអាសន្ន។ នេះបើតាមដីកាសម្រេចរបស់តុលាការដែលវីអូអេទទួលបាននៅថ្ងៃព្រហស្បតិ៍។
ដីកាសម្រេចរបស់តុលាការនេះទាក់ទងនឹងបទចោទប្រកាន់លើលោក អាត់ ធន់ ប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជាហៅស៊ីខៅឌូពីបទ«ញុះញង់ឱ្យប្រព្រឹត្តបទឧក្រិដ្ឋជាអាទិ៍» ដែលប្រព្រឹត្តនៅរោងចក្រអេសអឹលកាលពីថ្ងៃទី០១ ខែវិច្ឆិកា ឆ្នាំ២០១៣។
យោងតាមដីកាសម្រេចរបស់តុលាការក្រុងភ្នំពេញចុះថ្ងៃទី៨ខែមេសាដោយព្រះរាជអាជ្ញាសៀង សុខ និងចៅក្រមស៊ើបសួរ ជា សុខហៀង បានបញ្ជាក់ថាគឺ«ដើម្បីធានាថាជនត្រូវចោទមានវត្តមានចំពោះមុខតុលាការដើម្បីជៀសវាងការរាំងស្ទះក្នុងដំណើរការនីតិវិធី» របស់រឿងក្តី នេះ។
លោកអាត់ ធន់បញ្ជាក់ប្រាប់វីអូអេថាលោកបានទទួលដីកាសម្រេចនៅព្រឹកថ្ងៃព្រហស្បតិ៍ប៉ុន្តែលោកសម្តែងនូវការហួសចិត្តចំពោះការសម្រេចរបស់តុលាការ។
«ការដែលឱ្យយើងដម្កល់ប្រាក់រហូតដល់២៥.០០០ដុល្លារវាមានន័យថាជាចំនួនច្រើនលើសលប់ដែលគិតថាយើងមិនអាចមានសមត្ថភាពបង់ដល់ចំនួននេះទេហើយការដាក់នេះខ្ញុំគិតថាដូចជាច្រើនហួសហេតុពេកហើយ។ ចំណុចផ្សេងទៀតដែលឱ្យយើងទៅ បង្ហាញខ្លួននៅប៉ុស្តិ៍នៅពេលដែលករណីរឿងដែលយើងអត់មានជាប់ពាក់ព័ន្ធអ្វីសោះ យើងត្រូវជាប់កាតព្វកិច្ចតុលាការវាជាការបាត់បង់សិទ្ធិរបស់យើងមួយចំនួនទៅហើយ។ ខ្ញុំគិតថានេះជាការពិបាកសម្រាប់យើង»។
លោកចាត់ទុកថាវាជាការរំខានដល់ដំណើរការរបស់សហជីពក្នុងការការពារសិទ្ធិរបស់កម្មករ។
«នេះជាការដាក់ទណ្ឌកម្មមួយដែលធ្វើឱ្យយើងពិបាកក្នុងការតស៊ូមតិឬធ្វើការដើម្បីសិទ្ធិកម្មករ។ នេះគឺវាបង្ហាញនូវការមិនស្មើភាពគ្នានៃប្រជាពលរដ្ឋទន់ខ្សោយដូចយើងនៅចំពោះមុខច្បាប់»។
ទាំងព្រះរាជអាជ្ញានិងចៅក្រមស៊ើបសួរមិនអាចទាក់ទងដើម្បីបញ្ជាក់បន្ថែមទេប៉ុន្តែក្នុងដីកាសម្រេចនេះបញ្ជាក់ថាលោកអាត់ ធន់មានពេលមួយខែដើម្បីប្រមូលប្រាក់ឱ្យបានគ្រប់គ្រាន់សម្រាប់យកមកបង់ធានា។
លោកសុខ សំអឿនប្រធានអង្គការក្រុមអ្នកច្បាប់ការពារសិទ្ធិកម្ពុជាបានបញ្ជាក់ថាច្បាប់កម្ពុជាមិនកំណត់ថាឱ្យត្រូវបង់ប្រាក់ធានាកម្រិតណាទេហើយទំហំទឹកប្រាក់នេះគឺចង់ដាក់សម្ពាធឱ្យជនជាប់ចោទរូបនេះជាប់ពន្ធនាគារតែម្តង៖
«យើងមើលទំហំឱ្យអាត់ ធន់បង់លុយ វាដូចជាហួសមាឌបន្តិចហើយ បើក្នុងករណីបែបហ្នឹងនៅស្រុកខ្មែរយើងអ្នកដែលនៅក្រៅឃុំមានតែអ្នកមានទេដែលអាចនៅក្រៅឃុំបាន។ អ្នកក្រមានលុយឯណាបង់ដល់ទៅប៉ុណ្ណឹង»។
ការតវ៉ារបស់កម្មកររោងចក្រអេសអឹលដើម្បីសុំដំឡើងប្រាក់បៀរវត្សរ៍និងឱ្យមានលក្ខខណ្ឌការងារប្រសើរកាលពីចុងឆ្នាំ២០១៣បានឈានដល់អំពើហិង្សារវាងក្រុមកម្មករនិងអាជ្ញាធរប៉ូលិសដោយមានការដុតបំផ្លាញរថយន្តកងកម្លាំងមានសមត្ថកិច្ចនិងការបាញ់ស្លាប់មនុស្សម្នាក់ផង៕
ដីកាសម្រេចរបស់តុលាការនេះទាក់ទងនឹងបទចោទប្រកាន់លើលោក អាត់ ធន់ ប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជាហៅស៊ីខៅឌូពីបទ«ញុះញង់ឱ្យប្រព្រឹត្តបទឧក្រិដ្ឋជាអាទិ៍» ដែលប្រព្រឹត្តនៅរោងចក្រអេសអឹលកាលពីថ្ងៃទី០១ ខែវិច្ឆិកា ឆ្នាំ២០១៣។
យោងតាមដីកាសម្រេចរបស់តុលាការក្រុងភ្នំពេញចុះថ្ងៃទី៨ខែមេសាដោយព្រះរាជអាជ្ញាសៀង សុខ និងចៅក្រមស៊ើបសួរ ជា សុខហៀង បានបញ្ជាក់ថាគឺ«ដើម្បីធានាថាជនត្រូវចោទមានវត្តមានចំពោះមុខតុលាការដើម្បីជៀសវាងការរាំងស្ទះក្នុងដំណើរការនីតិវិធី» របស់រឿងក្តី នេះ។
លោកអាត់ ធន់បញ្ជាក់ប្រាប់វីអូអេថាលោកបានទទួលដីកាសម្រេចនៅព្រឹកថ្ងៃព្រហស្បតិ៍ប៉ុន្តែលោកសម្តែងនូវការហួសចិត្តចំពោះការសម្រេចរបស់តុលាការ។
«ការដែលឱ្យយើងដម្កល់ប្រាក់រហូតដល់២៥.០០០ដុល្លារវាមានន័យថាជាចំនួនច្រើនលើសលប់ដែលគិតថាយើងមិនអាចមានសមត្ថភាពបង់ដល់ចំនួននេះទេហើយការដាក់នេះខ្ញុំគិតថាដូចជាច្រើនហួសហេតុពេកហើយ។ ចំណុចផ្សេងទៀតដែលឱ្យយើងទៅ បង្ហាញខ្លួននៅប៉ុស្តិ៍នៅពេលដែលករណីរឿងដែលយើងអត់មានជាប់ពាក់ព័ន្ធអ្វីសោះ យើងត្រូវជាប់កាតព្វកិច្ចតុលាការវាជាការបាត់បង់សិទ្ធិរបស់យើងមួយចំនួនទៅហើយ។ ខ្ញុំគិតថានេះជាការពិបាកសម្រាប់យើង»។
លោកចាត់ទុកថាវាជាការរំខានដល់ដំណើរការរបស់សហជីពក្នុងការការពារសិទ្ធិរបស់កម្មករ។
«នេះជាការដាក់ទណ្ឌកម្មមួយដែលធ្វើឱ្យយើងពិបាកក្នុងការតស៊ូមតិឬធ្វើការដើម្បីសិទ្ធិកម្មករ។ នេះគឺវាបង្ហាញនូវការមិនស្មើភាពគ្នានៃប្រជាពលរដ្ឋទន់ខ្សោយដូចយើងនៅចំពោះមុខច្បាប់»។
ទាំងព្រះរាជអាជ្ញានិងចៅក្រមស៊ើបសួរមិនអាចទាក់ទងដើម្បីបញ្ជាក់បន្ថែមទេប៉ុន្តែក្នុងដីកាសម្រេចនេះបញ្ជាក់ថាលោកអាត់ ធន់មានពេលមួយខែដើម្បីប្រមូលប្រាក់ឱ្យបានគ្រប់គ្រាន់សម្រាប់យកមកបង់ធានា។
លោកសុខ សំអឿនប្រធានអង្គការក្រុមអ្នកច្បាប់ការពារសិទ្ធិកម្ពុជាបានបញ្ជាក់ថាច្បាប់កម្ពុជាមិនកំណត់ថាឱ្យត្រូវបង់ប្រាក់ធានាកម្រិតណាទេហើយទំហំទឹកប្រាក់នេះគឺចង់ដាក់សម្ពាធឱ្យជនជាប់ចោទរូបនេះជាប់ពន្ធនាគារតែម្តង៖
«យើងមើលទំហំឱ្យអាត់ ធន់បង់លុយ វាដូចជាហួសមាឌបន្តិចហើយ បើក្នុងករណីបែបហ្នឹងនៅស្រុកខ្មែរយើងអ្នកដែលនៅក្រៅឃុំមានតែអ្នកមានទេដែលអាចនៅក្រៅឃុំបាន។ អ្នកក្រមានលុយឯណាបង់ដល់ទៅប៉ុណ្ណឹង»។
ការតវ៉ារបស់កម្មកររោងចក្រអេសអឹលដើម្បីសុំដំឡើងប្រាក់បៀរវត្សរ៍និងឱ្យមានលក្ខខណ្ឌការងារប្រសើរកាលពីចុងឆ្នាំ២០១៣បានឈានដល់អំពើហិង្សារវាងក្រុមកម្មករនិងអាជ្ញាធរប៉ូលិសដោយមានការដុតបំផ្លាញរថយន្តកងកម្លាំងមានសមត្ថកិច្ចនិងការបាញ់ស្លាប់មនុស្សម្នាក់ផង៕
