រាជធានីភ្នំពេញត្រូវបានបិទខ្ទប់ចាប់តាំងពីថ្ងៃទី ១៥ ខែមេសាមក រហូតដល់ថ្ងៃទី ២៨ ខែមេសា ដើម្បីទប់ស្កាត់ការរាលដាលជំងឺកូវីដ១៩។ ទីក្រុងដែលមានមនុស្សកកកុញ និងចរាចរណ៍ស្ទះស្ទើរតែរាល់ថ្ងៃ ប្រែក្លាយជាកន្លែងស្ងប់ស្ងាត់។ ក៏ប៉ុន្តែការធ្វើដំណើរចាំបាច់មួយចំនួន ក៏ត្រូវបានអនុញ្ញាតដោយកងកម្លាំងការពារ ប្រសិនបើមានលិខិតអនុញ្ញាតពីអាជ្ញាធរពាក់ព័ន្ធ។ លោក ស៊ុន ណារិន មានសេចក្តីរាយការណ៍ឲ្យវីអូអេពីរាជធានីភ្នំពេញ៕