រូបភាពជុំវិញពិភពលោកថ្ងៃទី១៩ ខែតុលា ឆ្នាំ២០១៦ មកពីប្រទេសពេរូ អ៊ីរ៉ាក់ អ៊ីស្រាអែល កូរ៉េខាងជើង សហរដ្ឋអាមេរិក កាហ្សាស្តង់ ស្រីលង្កា ក្រិក និងសូម៉ាលី។
រូបភាពជុំវិញពិភពលោក ១៩ តុលា ២០១៦
១
កម្មករសម្អាតកញ្ចក់នៅអគារខាងលិចនៃមជ្ឈមណ្ឌលពាណិជ្ជកម្មពិភពលោកនៅក្រុងកូឡុំបូ ប្រទេសស្រីលង្កា។
២
ជាងកាត់សក់កោរពុកមាត់ឲ្យជនអន្តោប្រវេសន៍នៅជំរុំជនភៀសខ្លួន Ritsona ភាគខាងជើងក្រុងអាថែន។ មនុស្សប្រមាណ ៦០០នាក់ ដែលភាគច្រើនជាគ្រួសារជាមួយកូនតូចៗ រស់នៅក្នុងតង់ក្នុងជំរុំ ដែលក្រុមមន្រ្តីនិយាយថា នឹងជំនួសដោយផ្ទះផ្គុំដោយកា្តរងឿ។
៣
សត្វស្វា Azalea ដែលជាសត្វស្វាប្រភេទ Chimpanzee អាយុ១៩ឆ្នាំ និងដែលមានឈ្មោះជាភាសាកូរ៉េថា «Dallae» ជក់បារីនៅសួនសត្វ Central Zoo ក្នុងក្រុងព្យុងយ៉ាង ប្រទេសកូរ៉េខាងជើង។
៤
ឡានដឹកដើមពោតធ្វើដំណើរពីក្រុង Mogadishu ទៅកាន់ក្រុង Afgooye។
៥
រ៉ូកែតប៊ូស្ទឺ Soyuz ជាមួយនឹងយានអវកាស Soyuz MS-2 ដែលដឹកអវកាសយានិកនៃស្ថានីយអវកាសអន្តរជាតិ ហោះចេញពីស្ថានីយអវកាស Baikonur នៅប្រទេសកាហ្សាស្តង់។
៦
យន្តហោះឃោសនារបស់បេក្ខជនប្រធានាធិបតីគណបក្សសាធារណរដ្ឋលោក Donald Trump បើកបរកាត់យន្តហោះឃោសនាប្រធានាធិបតីគណបក្សប្រជាធិបតេយ្យលោក Hillary Clinton ខណៈពេលចុះចតនៅក្រុង Las Vegas។
៧
រូបភាពបង្ហាញពីផ្នែកមួយរចនាសម្ព័ន្ធនៃមជ្ឈមណ្ឌលសន្និបាតក្រុងរ៉ូម ដែលមានឈ្មោះថា «The Cloud» (“La Nuvola” ជាភាសាអ៊ីតាលី) រចនាឡើងដោយស្ថាបត្យករអ៊ីតាលីលោក Massimiliano Fuksas នៅសង្កាត់ពាណិជ្ជកម្ម Eur ក្នុងក្រុងរ៉ូម។
៨
អ្នកបួងសួងកាន់សាសនាជ្វីពប្រើទូរស័ព្ទ ខណៈពេលធ្វើការបួងសួងនៅជញ្ជាំង Western Wall អំឡុងពេលពិធីបុណ្យឈប់សម្រាកសាសនាជ្វីព Sukkot ក្នុងក្រុង Old City នៃរដ្ឋធានីហ្សេរ៊ុយសាឡិម។
៩
យោធាអ៊ីរ៉ាក់រត់ចេញពីគ្រឿងយន្តធ្វើថ្នល់មួយ បន្ទាប់ពីរងការផ្ទុះគ្រឿងផ្ទុះកែច្នៃ នៅជាយក្រុង Qayyarah ប្រទេសអ៊ីរ៉ាក់។
១០
ពេទ្យសត្វលេងជាមួយនឹងសត្វពង្រូលប្រភេទ Tamandua អាយុ៣ខួប នៅសួនសត្វ Huachipa នៅជាយក្រុងលីម៉ា ប្រទេសពេរូ។