កម្រងរូបភាពនៃព្រឹត្តិការណ៍ និងទិដ្ឋភាពនានាមកពីប្រទេសផ្សេងៗនៅជុំវិញពិភពលោក។
រូបភាពជុំវិញពិភពលោក ១១ តុលា ២០១៨
១
ដំបូលនៅលើឃ្លាំងរក្សាទុកទូកបានធ្លាក់ ក្រោយពេលព្យុះមួយឈ្មោះថា Michael បានកើតមានកាលពីថ្ងៃព្រហស្បតិ៍ នៅទីក្រុងមាត់សមុទ្រ Panama City ក្នុងរដ្ឋ Florida សហរដ្ឋអាមេរិក។
២
រ៉ុកកែត Soyuz-FG ដោយមានភ្ជាប់ជាមួយនូវយានអវកាស MS-10 ដែលដឹកអវកាសយានិកទៅកាន់ស្ថានីយ៍អាវកាសអន្តរជាតិ បានហោះចេញពីទីតាំង Baikonur cosmodrome របស់រុស្ស៊ី ក្នុងប្រទេសកាហ្សាក់ស្ថាន។
៣
អ្នកពន្លត់អគ្គិភ័យម្នាក់បានលាបពពុះ Aqueous Film Forming នៅលើខ្លួននៅពេលគាត់ព្យាយាមគ្រប់គ្រងអគ្គិភ័យមួយដែលបានឆេះនៅរោងចក្រផលិតថ្នាំពង្រាវកំហាប់ នៅជាយក្រុង Ahmedabad ប្រទេសឥណ្ឌា។
៤
កីឡាករ Kristof Milak នៃប្រទេសហុងគ្រី (កណ្ដាល) ប្រកួតជាមួយ Jakub Kraska នៃប្រទេសប៉ូឡូញ (ឆ្វេង) និងកីឡាករ Lucas Martins Costa Peixoto របស់ប្រទេសប្រេស៊ីល ក្នុងវិញ្ញាសារហែលទឹកសេរី ចម្ងាយ១០០ម៉ែត្រ នៅក្នុងការប្រកួតនៅទីក្រុងប៊ុយណូស៊ែ ប្រទេសអាហ្សង់ទីន។
៥
កីឡាករមកពីប្រទេសប្រេស៊ីល អូម៉ង់ អ៊ីតាលី បារាំង អូស្ត្រាលី សហរដ្ឋអាមេរិក អាល់ហ្សេរី អាហ្សង់ទីន រុស្ស៊ី ម៉ិកស៊ិក ក្នុងការប្រកួតទូកក្ដោង Techno 293+ នៅក្លឹប Nautico ក្នុងការប្រកួតកីឡាអូឡាំពិកសម្រាប់យុវជន នៅទីក្រុងប៊ុយណូស៊ែ ប្រទេសអាហ្សង់ទីន។
៦
កុមារីពាក់ក្រណាត់ពណ៌ផ្កាឈូក លើកដៃគ្រវីក្នុងពេលពួកគេប្រារព្ធទិវាអន្តរជាតិសម្រាប់ក្មេងស្រី នៅសាលារៀនមួយក្នុងក្រុង Chandigarh ប្រទេសឥណ្ឌា។
៧
សមាជិកអង្គការអេស្ប៉ាញ Pro activa Open Arms បីក្មេងម្នាក់ដែលត្រូវបានសង្គ្រោះដោយទូកតូចមួយ នៅសមុទ្រ Alboran ស្ថិតនៅចម្ងាយប្រមាណ៦៤គីឡូម៉ែត្រ ពីឆ្នេរសមុទ្រប្រទេសអេស្ប៉ាញ។
៨
យន្តហោះពន្លត់អគ្គិភ័យបើកឆ្លងកាត់អគ្គិភ័យមួយដែលបង្កឡើងដោយបាល់ឡុងមានភ្ជាប់ក្រណាត់កំពុងឆេះ ដែលត្រូវបានរៀបចំឡើងដោយពួកប៉ាឡេស្ទីននៅតំបន់ Gaza Strip នៃឧទ្យានការពារធម្មជាតិ Karmia ជិតព្រំដែនជាមួយប្រទេសអ៊ីស្រាអែល។
៩
នាង Megan Williams (ឆ្វេង) និងអ្នករួមបន្ទប់ Kaylee O'Brian កំពុងប្រមូលអីវ៉ាន់ចេញពីផ្ទះដែលត្រូវបានកម្ទេចក្រោយពីដើមឈើជាច្រើនដើមបានដួលទៅលើផ្ទះរបស់គាត់ បង្កដោយព្យុះសង្ឃរា Michael ក្នុងទីក្រុង Panama City រដ្ឋ Florida។
១០
លោក Harvey Weinstein (កណ្ដាល) ដើរចូលទៅតុលាការកំពូលនៅរដ្ឋញូវយ៉ក។ ស្មាក្តីនៃតុលាការក្រុង Manhattan បានទម្លាក់បទចោទខ្លះនៃករណីរំលោភបំពានផ្លូវភេទដែលត្រូវបានចោទប្រកាន់លើអតីតអ្នកផលិតភាពយន្តរូបនេះ ក្រោយពេលភ័ស្តុតាងថ្មីត្រូវបានបង្ហាញ ដែលធ្វើឲ្យមានចម្ងល់ទៅលើអ្នកចោទប្រកាន់លោកម្នាក់ក្នុងចំណោម៣នាក់ ដែលបង្ហាញខ្លួននៅក្រុមប្រឹក្សាជំនុំជម្រះ។
១១
ក្រុមអតិថិជនកំពុងសម្លឹងមើលត្រីធូណាដែលកករឹង ក្នុងពេលមានការដាក់លក់ដេញថ្លៃលើកដំបូងនៅផ្សារទើបតែបើកដំណើរការមួយឈ្មោះថាផ្សារ Toyosu ដែលជាទីតាំងលក់ត្រីថ្មីនៃទីក្រុងតូក្យូ ប្រទេសជប៉ុន។
១២
ពលរដ្ឋស៊ូដង់ខាងត្បូងដែលរស់នៅក្នុងប្រទេសកេនយ៉ា កាន់រូបក្បាលខ្មោចនៅពេលពួកគេធ្វើបាតុកម្មនៅរដ្ឋធានីណៃរូប៊ី ដើម្បីស្នើឲ្យរដ្ឋាភិបាលកេនយ៉ាបង្កកទ្រព្យសម្បត្តិមេដឹកនាំប្រទេសស៊ូដង់ខាងត្បូង ដែលពាក់ព័ន្ធនឹងជម្លោះដែលកំពុងបន្តកើតមាននៅក្នុងប្រទេសរបស់ពួកគេ។
១៣
នាយករដ្ឋមន្ត្រីអ៊ុយក្រែន Volodymyr Groysman ប៉ះមនុស្សយន្តដែលមានឈ្មោះថា Sophia ដែលជាការច្នៃបង្កើតចុងក្រោយរបស់ក្រុមហ៊ុន Hanson Robotics ក្នុងកិច្ចប្រជុំមួយជាមួយក្រុមអ្នកច្នៃបង្កើតវ័យក្មេងនិងមន្ត្រីផ្សេងទៀត នៅទីក្រុងកៀវ ប្រទេសអ៊ុយក្រែន។