កងជីវពលដែលនិយមរុស្ស៊ីបន្តកាន់កាប់អគាររដ្ឋាភិបាលនៅភាគខាងកើតប្រទេសអ៊ុយក្រែននាថ្ងៃសុក្រនេះ បន្ទាប់ពីរដ្ឋបាលក្រុងគៀវ និងម៉ូស្គូបានសម្រេចព្រមព្រៀងគ្នាថានឹងបន្ធូរបន្ថយភាពតានតឹង។
លោក Denis Pushilin មេដឹកនាំកងជីវពលនិយាយថា កងកម្លាំងរបស់លោកនឹងត្រូវគោរពតាមការព្រមព្រៀងគ្នាកាលពីថ្ងៃព្រហស្បតិ៍ទេ ហើយនឹងបញ្ឈប់សកម្មភាពតែក្រោយពេលដែលរដ្ឋាភិបាលអ៊ុយក្រែនលាចេញពីតំណែង។
ការព្រមព្រៀងគ្នានោះកើតមានឡើងក្រោយពីមានការចរចារវាងប្រទេសអ៊ុយក្រែន រុស្ស៊ី សហរដ្ឋអាមេរិកនិងសហភាពអឺរ៉ុប។ ការព្រមព្រៀងនោះអំពាវនាវឱ្យក្រុមជីវពលចាកចេញពីអគាររដ្ឋាភិបាលនិងដកហូតអាវុធចេញពីពួកគេ។
ប៉ុន្តែវាបានបញ្ចូលវិធានការជាក់លាក់តិចតួចពេកដើម្បីបញ្ចប់វិបត្តិនោះ ហើយមេដឹកនាំបស្ចឹមប្រទេសជាច្រើនសម្តែងការមិនទុកចិត្តថារុស្ស៊ីនឹងគោរពតាមការសន្យារបស់ខ្លួន។
លោកប្រធានាធិបតីសហរដ្ឋអាមេរិក បារ៉ាក់ អូបាម៉ា មានប្រសាសន៍ថារដ្ឋបាលក្រុងវ៉ាស៊ីនតោននឹងបន្តរៀបចំការដាក់ទណ្ឌកម្មប្រឆាំងនឹងរុស្ស៊ីទៀតក្នុងករណីដែលប្រទេសនេះមិនចាត់វិធានការណាមួយដើម្បីបន្ធូរបន្ថយភាពតានតឹងទេ។
លោកអូបាម៉ា មានប្រសាសន៍ថាសហរដ្ឋអាមេរិកកំពុងធ្វើការសម្របសម្រួលជាមួយនឹងសម្ព័ន្ធមិត្តអឺរ៉ុប។ ហើយក្តីសង្ឃឹមរបស់លោកគឺថាសម្ព័ន្ធមិត្តទាំងអស់នឹងឃើញការដាក់វិធានការជាបន្តបន្ទាប់ទៀតក្នុងរយៈពេលច្រើនថ្ងៃខាងមុខនេះ ប៉ុន្តែលោកបន្ថែមថាលោកមិនទាន់ទុកចិត្តបាននៅឡើយទេបើផ្អែកតាមអ្វីដែលបានកើតមានឡើងកន្លងមកនេះ៕
លោក Denis Pushilin មេដឹកនាំកងជីវពលនិយាយថា កងកម្លាំងរបស់លោកនឹងត្រូវគោរពតាមការព្រមព្រៀងគ្នាកាលពីថ្ងៃព្រហស្បតិ៍ទេ ហើយនឹងបញ្ឈប់សកម្មភាពតែក្រោយពេលដែលរដ្ឋាភិបាលអ៊ុយក្រែនលាចេញពីតំណែង។
ការព្រមព្រៀងគ្នានោះកើតមានឡើងក្រោយពីមានការចរចារវាងប្រទេសអ៊ុយក្រែន រុស្ស៊ី សហរដ្ឋអាមេរិកនិងសហភាពអឺរ៉ុប។ ការព្រមព្រៀងនោះអំពាវនាវឱ្យក្រុមជីវពលចាកចេញពីអគាររដ្ឋាភិបាលនិងដកហូតអាវុធចេញពីពួកគេ។
ប៉ុន្តែវាបានបញ្ចូលវិធានការជាក់លាក់តិចតួចពេកដើម្បីបញ្ចប់វិបត្តិនោះ ហើយមេដឹកនាំបស្ចឹមប្រទេសជាច្រើនសម្តែងការមិនទុកចិត្តថារុស្ស៊ីនឹងគោរពតាមការសន្យារបស់ខ្លួន។
លោកប្រធានាធិបតីសហរដ្ឋអាមេរិក បារ៉ាក់ អូបាម៉ា មានប្រសាសន៍ថារដ្ឋបាលក្រុងវ៉ាស៊ីនតោននឹងបន្តរៀបចំការដាក់ទណ្ឌកម្មប្រឆាំងនឹងរុស្ស៊ីទៀតក្នុងករណីដែលប្រទេសនេះមិនចាត់វិធានការណាមួយដើម្បីបន្ធូរបន្ថយភាពតានតឹងទេ។
លោកអូបាម៉ា មានប្រសាសន៍ថាសហរដ្ឋអាមេរិកកំពុងធ្វើការសម្របសម្រួលជាមួយនឹងសម្ព័ន្ធមិត្តអឺរ៉ុប។ ហើយក្តីសង្ឃឹមរបស់លោកគឺថាសម្ព័ន្ធមិត្តទាំងអស់នឹងឃើញការដាក់វិធានការជាបន្តបន្ទាប់ទៀតក្នុងរយៈពេលច្រើនថ្ងៃខាងមុខនេះ ប៉ុន្តែលោកបន្ថែមថាលោកមិនទាន់ទុកចិត្តបាននៅឡើយទេបើផ្អែកតាមអ្វីដែលបានកើតមានឡើងកន្លងមកនេះ៕
