រូបភាពជុំវិញពិភពលោកថ្ងៃទី០៧ ខែឧសភា ឆ្នាំ២០១៨ មកពីសហរដ្ឋអាមេរិក ប្រទេសរុស្ស៊ី អង់គ្លេស វៀតណាម អ៊ីស្រាអែល ឥណ្ឌា និងប្រេស៊ីល។
រូបភាពជុំវិញពិភពលោក ០៧ ឧសភា ២០១៨
១
លោកប្រធានាធិបតីរុស្ស៊ី Vladimir Putin ចូលរួមពិធីចូលកាន់តំណែងនៅវិមានក្រឹមឡាំង។ លោកប្រធានាធិបតី Putin បានស្បថចូលកាន់តំណែងក្នុងអាណត្តិទី៤ ដែលនឹងបន្តការសន្យារបស់លោកទាក់ទងនឹងគោលនយោបាយបរទេស និងបន្តកិច្ចខិតខំប្រឹងប្រែងដើម្បីកសាងភាពរុងរឿងសម្រាប់ប្រទេសជាតិ។
២
កម្អែលភ្នំភ្លើង Kilauea ហូរទៅលើផ្លូវ Makamae នៅក្នុងក្រុង Leilani Estates រដ្ឋ Hawaii សហរដ្ឋអាមេរិក កាលពីថ្ងៃទី៦ ខែឧសភា ឆ្នាំ២០១៨។
៣
កំពូលនៃបឹងកម្អែលភ្នំភ្លើង Kilauea នៅក្នុងរដ្ឋ Hawaii បានធ្លាក់ចុះយ៉ាងខ្លាំងប្រមាណជា២២០ម៉ែត្រ នៅក្រោមមាត់ក្រហូងដី នៅក្នុងរូបភាពមួយដែលថតកាលពីថ្ងៃទី៦ ខែឧសភា ឆ្នាំ២០១៨។
៤
កីឡាករ Oleksandr Zinchenko របស់ក្រុម Manchester City និងកីឡាករផ្សេងទៀតសាទរនូវជ័យជម្នះរបស់ខ្លួននៅស្តាត Etihad នៅក្នុងក្រុង Manchester ប្រទេសអង់គ្លេស កាលពីថ្ងៃទី៦ ខែឧសភា ឆ្នាំ២០១៨។
៦
អ្នកដំណើរដើរនៅពេលមានព្រិលធ្លាក់ដ៏ខ្លាំងមួយនៅក្នុងក្រុង Divnogorsk ប្រទេសរុស្ស៊ី។
៧
កម្មករម្នាក់ដាក់ស្លាកសញ្ញាផ្លូវដែលបង្ហាញផ្លូវទៅស្ថានទូតអាមេរិក នៅតំបន់នៃស្ថានកុងស៊ុលនៅក្នុងក្រុងហ្ស៊េរុសសាឡិម ប្រទេសអ៊ីស្រាអែល។
៨
បាតុករក្នុងតំបន់ Kashmiri គប់ដុំថ្មទៅលើកងកម្លាំងរដ្ឋាភិបាលក្នុងបាតុកម្មមួយនៅក្នុងក្រុង Srinagar តំបន់ Kashmir ដែលគ្រប់គ្រងដោយឥណ្ឌា។
៩
នារីៗហ្វឹកហាត់ដើរនៅលើខ្សែពួរនៅលើផ្លូវ Paulista Avenue ក្នុងក្រុង Sao Paulo ប្រទេសប្រេស៊ីល កាលពីថ្ងៃទី៦ ខែឧសភា ឆ្នាំ២០១៨។