រូបភាពជុំវិញពិភពលោកថ្ងៃទី ២៥ ខែឧសភា ឆ្នាំ២០១៧ មានមកពីប្រទេសដូចជា អង់គ្លេស តៃវ៉ាន់ ក្រិក សូម៉ាលី ម៉ូណាកូ បារាំង ហ្វាំងឡង់ លីបង់ និងអាហ្រ្វិកខាងត្បូង។
រូបភាពជុំវិញពិភពលោក ២៥ ឧសភា ២០១៧
១
នាយកប្រតិបត្តិក្រុមហ៊ុន Facebook ហើយក៏ជានិស្សិតឈប់រៀននៃសាកលវិទ្យាល័យ Harvard លោក Mark Zuckerberg និងតារាសម្តែងលោក James Earl Jones អង្គុយនៅលើវេទិកាអំឡុងពិធីទទួលសញ្ញាបត្រនៅសាកលវិទ្យាល័យ Harvard ទីក្រុង Cambridge។ លោក Zuckerberg បានទទួលសញ្ញាបត្របណ្ឌិតកិត្តិយសច្បាប់។
២
រថយន្ត MLRS Thunderbolt ២០០០ បានបាញ់កាំជ្រួចនៅទីដៅមួយក្នុងការហ្វឹកហាត់ប្រចាំឆ្នាំនៅកោះ Penghu តៃវ៉ាន់។
៣
ហ្វូងមនុស្សកំពុងមើលប៉េងប៉ោង ផ្កានិងសារផ្សេងៗនៅទីរំលឹកវិញ្ញាណក្ខន្ធជនរងគ្រោះក្នុងការវាយប្រហារ Manchester Arena នៅប្រទេសអង់គ្លេស។
៤
វេជ្ជបណ្ឌិតនៃក្រុម Aegean ចេញដំណើរទៅកាន់កោះ Donousa ពីកោះ Fournoi ប្រទេសក្រិក។
៥
លោក Ali Madey លើកកូនប្រុសដែលខ្វះជីវជាតិរបស់ខ្លួនដែលមានឈ្មោះថា Mohamed Ali អាយុប្រាំឆ្នាំនៅជាយក្រុង Mogadishu ប្រទេសសូម៉ាលី។
៦
អ្នកបើកបររថយន្តម៉ាក Ferrari ឈ្មោះ Kimi Raikkonen នៃប្រទេសហ្វាំងឡង់ ត្រូវបានឆ្លុះចេញពីមួករបស់អ្នកពន្លត់អគ្គីភ័យម្នាក់អំឡុងការហ្វឹកហាត់នៅ Formula One Grand Prix នៅទីលានប្រណាំងក្នុងប្រទេសម៉ូណាកូ។
៧
តារាសម្តែងអាមេរិកអ្នកនាង Elle Fanning បានមកដល់នៅក្នុងការចាក់បញ្ចាំងភាពយន្ត « The Beguiled» នៅក្នុងកម្មវិធីខ្សែភាពយន្ត Cannes លើកទី៧០ នៅក្នុងប្រទេសបារាំងកាលពីថ្ងៃទី២៤ ឧសភា ២០១៧។
៨
បុរសម្នាក់កំពុងស្ទូចត្រីនៅឆ្នេរ Beirut ដែលមានថ្មច្រើននៅក្នុងប្រទេសលីបង់។
៩
សកម្មជនម្នាក់នៃគណបក្ស Bhartiya Janata រត់កាត់មុខប៉ូលិសឥណ្ឌាក្នុងទីក្រុង Kolkata អំឡុងបាតុកម្មមួយអំពីការចោទប្រកាន់ប៉ូលិសដែលរំលោភបំពានលើសមាជិកក្រុមគណបក្ស BJP។
១០
មន្ត្រីកោសល្យវិច្ច័យកំពុងពិនិត្យរថយន្តរបស់អតីតនាយករដ្ឋមន្រ្តី និងជាអតីតនាយកធនាគារកណ្តាលលោក Lucas Papademos បន្ទាប់ពីសំបុត្រមួយបានផ្ទុះដែលធ្វើឲ្យលោករួមទាំងអ្នកបើកបររងរបួសក្នុងទីក្រុង Athens។
១១
ប៉ូលិសម្នាក់កំពុងមើលរូបតំណាងនៅក្នុងពិព័រណ៍មួយដែលប្រមូលហ្វូស៊ីលពីសាច់ញាតិជិតស្និទបំផុតរបស់មនុស្សនៅក្នុងអាហ្រ្វិកខាងត្បូងនៅក្នុងតំបន់មួយឈ្មោះ «The Cradle of Humankind» ភាគពាយព្យនៃទីក្រុង Johannesburg។