រូបភាពជុំវិញពិភពលោកថ្ងៃទី០៣ ខែមីនា ឆ្នាំ២០១៩ មកពីសហរដ្ឋអាមេរិក ប្រទេសអ៊ីតាលី ស៊ុយអែត អ៊ីតាលី ចិន បុរីវ៉ាទីកង់ អូទ្រីស ជប៉ុន ប្រេស៊ីល និងអូស្ត្រាលី។
រូបភាពជុំវិញពិភពលោក ០៣ មីនា ២០១៩
១
មនុស្សម្នាចូលរួមនៅក្នុងការប្រកួតគប់ផ្លែក្រូចនៅក្នុងការប្រកួតប្រចាំឆ្នាំមួយនៅក្នុងក្រុង Ivrea ប្រទេសអ៊ីតាលី។
២
មនុស្សម្នាចូលរួមនៅក្នុងការប្រកួតជិះស្គីក្នុងចម្ងាយឆ្ងាយដែលគេហៅថា Vasaloppet នៅក្នុងក្រុង Salen ប្រទេសស៊ុយអែត។
៣
ស្មៅស្ងួតបានឆេះនៅក្នុងពេលអាទិត្យលិច នៅក្បែរភូមិ Ivanovka តំបន់ Crimea។
៤
មនុស្សម្នាដែលពាក់ស្រោមមុខចូលរួមនៅក្នុងពិធីបុណ្យ Carnival នៅក្នុងក្រុង Venice ប្រទេសអ៊ីតាលី កាលពីថ្ងៃទី២ ខែមីនា ឆ្នាំ២០១៩។
៥
អ្នកបង្ហាញសញ្ញាដល់ក្រុមភ្លេងយោធាចិនម្នាក់ដឹកនាំក្រុមហាត់សមនៅមុនពិធីបើកសន្និសីទផ្តល់យោបល់លើនយោបាយរបស់ពលរដ្ឋចិន ឬ Chinese People's Political Consultative Conference (CPPCC) នៅវិមាន Great Hall of the People ក្នុងក្រុងប៉េកាំង។
៦
ក្មេងម្នាក់តុបតែងជាសម្តេចប៉ាបយំនៅក្នុងកម្មវិធីអធិដ្ឋាន Angelus ប្រចាំសប្តាហ៍នៅទីលាន St. Peter នៅបុរីវ៉ាទីកង់។
៧
សមាជិកក្រុមប្រកួតកំពុងតាមដានការប្រកួតជិះស្គីលោត Nordic Combined Team Gundersen NH/4x5 Km សម្រាប់ពានរង្វាន់ FIS Nordic World Ski Championships នៅក្នុងក្រុង Seefeld ប្រទេសអូទ្រីស កាលពីថ្ងៃទី២ ខែមីនា ឆ្នាំ២០១៩។
៨
កីឡាករ Birhanu Legese មកពីអេត្យូពីរត់កាត់បន្ទាប់ចុងក្រោយសម្រាប់ការរត់ប្រណាំង Tokyo Marathon នៅក្នុងប្រទេសជប៉ុន។
៩
សុនខមួយក្បាលចូលរួមនៅក្នុងការដើរក្បួន Blocao នៅក្នុងក្រុង Rio de Janeiro ប្រទេសប្រេស៊ីល កាលពីថ្ងៃទី២ ខែមីនា ឆ្នាំ២០១៩។
១០
រ៉ុក្កែត Falcon 9 របស់ក្រុមហ៊ុន SpaceX ត្រូវបានគេបាញ់បង្ហោះសាកលល្បងដោយមិនប្រើអ្នកបើក ទៅកាន់ស្ថានីយអាកាសអន្តរជាតិ ចេញពីមជ្ឈមណ្ឌលអាកាស Kennedy កាលពីថ្ងៃទី២ ខែមីនា ឆ្នាំ២០១៩។
១១
លោក Jeff Dahl ជិះសេះកាត់មហាវិថី Harrison Avenue ខណៈដែលលោក Vincent Pestello ដែលកំពុងតែជិះស្គីដួល នៅក្នុងការលោតលើកដំបូងរបស់លោក នៅក្នុងការប្រកួត Leadville Ski Joring លើកទី៧១ កាលពីថ្ងៃទី២ ខែមីនា ឆ្នាំ២០១៩ នៅក្នុងក្រុង Leadville រដ្ឋ Colorado។
១២
មនុស្សម្នាចូលរួមនៅក្នុងការប្រមូលផ្តុំជិះម៉ូតូនៅក្នុងក្បួន Gay and Lesbian Mardi Gras ប្រចាំឆ្នាំ នៅក្នុងក្រុងស៊ីដនី ប្រទេសអូស្ត្រាលី កាលពីថ្ងៃទី២ ខែមីនា ឆ្នាំ២០១៩។