កម្រងរូបភាពល្អៗអំពីហេតុការណ៍និងទិដ្ឋភាពក្នុងប្រទេសនានានៅជុំវិញពិភពលោក។
រូបភាពជុំវិញពិភពលោក ០៧ មិថុនា ២០១៩
១
ក្មេងប្រុសម្នាក់លាងសម្អាតសេះនៅក្នុងទន្លេ Eden នៅថ្ងៃទី២នៃការដាក់តាំងបង្ហាញសេះ Appleby Horse Fair នៅទីក្រុង Appleby-in-Westmorland នៅភាគពាយព្យនៃប្រទេសអង់គ្លេស។
២
លោក Roberto Marquez ដែលគេហៅសាមញ្ញថា Roberz កំពុងសរសេរនៅលើទង់ជាតិអាមេរិកាំងដ៏ធំមួយ ដើម្បីចូលរួមបាតុកម្មមួយឈ្មោះថា «សហរដ្ឋនៃជនអន្តោប្រវេសន៍» ដើម្បីទាមទារការគោរពដល់ជនអន្តោប្រវេសន៍ នៅជិតរបងព្រំដែន ក្នុងក្រុង El Paso រដ្ឋតិចសាស។
៣
ស្រមោលរទេះរុញទៅលើរូបកូនក្រុំនៅឯកន្លែងមួយដែលគេហៅថា Victorian Picnic ក្នុងពិធីមួយដែលមានឈ្មោះថា Wave Gothic Festival នៅទីក្រុង Leipzig ប្រទេសអាល្លឺម៉ង់។
៤
សមាជិកក្រុម Massed Bands នៃក្របខណ្ឌកងទ័ព Household Division ដើរក្បួនក្នុងពិធីកម្សាន្តប្រចាំឆ្នាំដែលមានឈ្មោះថា Beating Retreat នៅទីលានសម្រាប់ដើរក្បួនព្យុហយាត្រាក្នុងទីក្រុងឡុងដ៍ ប្រទេសអង់គ្លេស។
៥
ក្រុមអ្នកទស្សនាកំពុងសប្បាយរីករាយនៅឯសួនកម្សាន្តមួយឈ្មោះថា 37 Degree Dream Sea Waterpark នៅទីក្រុង Yantai ខេត្ត Shandong ប្រទេសចិន។
៦
អ្នកបើកបរកំពុងធ្វើដំណើរកាត់ផ្លូវដែលជន់លិចក្រោយពេលមានភ្លៀងធ្លាក់មួយមេធំ នៅក្នុងទីក្រុងបាងកក ប្រទេសថៃ។
៧
ក្រុមអ្នកចូលរួមកំពុងប្រណាំងទូកងនៅលើបឹង West Lake ក្នុងការប្រារព្ធពិធីបុណ្យអុំទូក នៅក្រុង Hangzhou ខេត្ត Zhejiang ប្រទេសចិន។
៨
នាង Amanda Anisimova មកពីអាមេរិកកំពុងប្រកួតក្នុងវគ្គពាក់កណ្ដាលផ្ដាច់ព្រ័ត្រជាមួយកីឡាការនីមកពីអូស្ត្រាលី Ashleigh Barty ក្នុងទីក្រុងប៉ារីស ប្រទេសបារាំង។
៩
មនុស្សម្នាកំពុងមើលទៅសាកសពរបស់ឈ្មោះ Imran Ahmad Bhat ក្នុងពេលដង្ហែសពនៅភូមិ Arihal ក្នុងស្រុក Pulwama នៃតំបន់កាស្មៀរ។ ជននេះជាជនសង្ស័យសកម្មប្រយុទ្ធដែលត្រូវបានសម្លាប់ក្នុងការប្រយុទ្ធដោយអាវុធជាមួយសន្តិសុខឥណ្ឌា។
១០
អ្នកភូមិពីតំបន់កាស្មៀរកំពុងទៅមើលផ្ទះដែលបាក់បែកក្រោយពេលមានការប្រយុទ្ធគ្នារវាងជនសកម្មប្រយុទ្ធនិងកងកម្លាំងរដ្ឋាភិបាលឥណ្ឌា នៅភូមិ Panjran ក្នុងស្រុក Pulwama នៅភាគខាងត្បូងនៃក្រុង Srinagar។
១១
អ្នកបង្ហាញម៉ូតម្នាក់បង្ហាញការច្នៃម៉ូតមួយក្នុងពិធីបង្ហាញម៉ូតរដូវផ្ការីក និងរដូវក្ដៅឆ្នាំ២០២០ នៅទីក្រុង Malibu រដ្ឋកាលីហ្វ័រញ៉ា។
១២
សត្វទុងលេងទឹកនៅក្នុងសួនសត្វមួយនៅក្នុងទីក្រុងមូស្គូ ប្រទេសរុស្ស៊ី ក្នុងរដូវក្ដៅ។