រូបភាពជុំវិញពិភពលោកថ្ងៃទី២៩ ខែមិថុនា ឆ្នាំ២០១៧ មកពីប្រទេសហ្វីលីពីន អ៊ីរ៉ង់ ហុងកុង អង់គ្លេស អេស្ប៉ាញ ស្វ៊ីស ជប៉ុន ក្រិក ស្រីលង្កា សហរដ្ឋអាមេរិក និងកូរ៉េខាងត្បូង។
រូបភាពជុំវិញពិភពលោក ២៩ មិថុនា ២០១៧
១
ប៉ូលិសជាតិហ្វីលីពីនបិទទ្វារបន្ទាប់ពីឆែកឆេរផ្ទះមួយ ខណៈដែលទាហានរដ្ឋាភិបាលបន្តវាយប្រហារលើក្រុមបះបោរចេញពីក្រុម Maute ក្នុងក្រុង Marawi។
២
ជនស៊ីវិលអ៊ីរ៉ង់រត់ភៀសខ្លួន ខណៈដែលកងកម្លាំងពិសេសអ៊ីរ៉ង់វាយប្រហារទៅលើទីតាំងរបស់យុទ្ធជនរដ្ឋឥស្លាមនៅក្នុងក្រុង Mosul។
៣
ស្ត្រីម្នាក់ឈរនៅពីមុខការតុបតែងភ្លើងពណ៌ ដែលត្រូវបានគេតាំងដើម្បីសាទរខួបទី២០នៃការប្រគល់ក្រុងហុងកុងឲ្យស្ថិតក្រោមការគ្រប់គ្រងរបស់ចិន។
៤
កីឡាការនី Jelena Ostapenko របស់ឡេតូនីសាទរ បន្ទាប់ពីឈ្នះការប្រកួតជុំទី២ទល់នឹងកីឡាការនី Johanna Konta របស់ចក្រភពអង់គ្លេស ក្នុងពេលប្រកួតវាយតែននីសអន្តរជាតិ ATP Aegon នៅក្នុងក្រុង Eastbourne ភាគខាងត្បូងនៃប្រទេសអង់គ្លេស។
៥
អគារ Agbar ត្រូវបានគេបំពាក់ភ្លើងជាពណ៌ឥន្ទធនូក្នុងទិវា World Pride ក្នុងក្រុង Barcelona ប្រទេសអេស្ប៉ាញ កាលពីថ្ងៃទី២៨ ខែមិថុនា ឆ្នាំ២០១៧។
៦
បុរសម្នាក់ចែវទូកក្នុងថ្ងៃមានខ្យល់នៅលើបឹង Leman ក្នុងក្រុង Cully ប្រទេសស្វ៊ីស។
៧
សិស្សានុសិស្សមកពីសាលាបឋមសិក្សា Corazon Aquino ចូលរួមក្នុងការហ្វឹកហាត់ការការពារខ្លួនទៅនឹងការរញ្ជួយដីនៅក្នុងក្រុងម៉ានីល ប្រទេសហ្វីលីពីន។
៨
ត្រីយន្ត (ត្រីដែលធ្វើឡើងពីគ្រឿងយន្ត) ដែលត្រូវបានគេស្គាល់ថា MIRO ត្រូវបានផលិតឡើងដោយក្រុមហ៊ុនកូរ៉េខាងត្បូងឈ្មោះ AIRO។ ត្រីនេះត្រូវបានគេថតបាននៅក្នុងអាងទឹកមួយក្នុងពេលតាំងបង្ហាញនៅក្នុងការតាំងពិព័រណ៍ Advanced Content Technology Expo ក្នុងក្រុងតូក្យូ ប្រទេសជប៉ុន។
៩
ស្ត្រីម្នាក់ដើរកាត់គំនរសំរាម និងសារនៅជញ្ជាំងជាភាសាក្រិកដែលសរសេរថា «ហាមចោលសំរាម» នៅក្នុងសង្កាត់ Kaminia។ អ្នកប្រមូលសំរាមរបស់ក្រុងបានធ្វើការកូដកម្មរយៈពេល១៤ថ្ងៃ ដែលធ្វើឲ្យមានសំរាមគរគ្នានៅទូទាំងក្រុងអាថែន។
១០
ក្រុមនេនមួយក្រុមថតរូបនៅវត្តមួយនៅក្នុងក្រុងកូឡុំបូ ប្រទេសស្រីលង្កា កាលពីថ្ងៃទី២៨ ខែមិថុនា ឆ្នាំ២០១៧។
១១
កីឡាករ Ben Revere របស់ក្រុម Los Angeles Angels (រូបឆ្វេង) ត្រូវបានសមាជិកក្រុមជះទឹកដាក់ បន្ទាប់ពីទទួកបានពិន្ទុឈ្នះ ក្នុងពេលប្រកួតបាល់ Baseball ទល់នឹងក្រុម Los Angeles Dodgers នៅក្នុងក្រុង Anaheim រដ្ឋ California កាលពីថ្ងៃទី២៨ ខែមិថុនា ឆ្នាំ២០១៧។
១២
សមាជិកនៃសហព័ន្ធតៃក្វាន់ដូអន្តរជាតិដែលដឹកនាំដោយកូរ៉េខាងជើងបង្ហាញជំនាញរបស់ពួកគេនៅក្នុងទីស្នាក់ការតៃក្វាន់ដូពិភពលោកក្នុងក្រុងសេអ៊ូល ប្រទេសកូរ៉េខាងត្បូង កាលពីថ្ងៃទី២៨ ខែមិថុនា ឆ្នាំ២០១៧។