កម្រងរូបភាពគួរឲ្យចាប់អាម្មណ៍អំពីហេតុការណ៍ថ្មីៗ និង ទិដ្ឋភាពក្នុងប្រទេសរួមមាន អាល្លឺម៉ង់ អង់គ្លេស យេម៉ែន បារ៉ែន ឥណ្ឌា សហរដ្ឋអាមេរិក ម៉ិកស៊ិក ក្វាតេម៉ាឡា ប្រេស៊ីល តំបន់គ្រីមេ និងអ៊ីរ៉ាក់។
រូបភាពជុំវិញពិភពលោក ១១ មិថុនា ២០២០
១
ផ្នែកមួយនៃទន្លេ Spree នៅជិតអាគារ Reichstag ដែលជាអាគាររដ្ឋសភាជាន់ទាបអាល្លឺមង់ ត្រូវបានក្រុមសកម្មជន «បដិវត្តន៍ផុតពូជ» ធ្វើឲ្យផ្ទៃទឹកប្រែពណ៌ទៅជាបៃតង ដើម្បីប្រឆាំងនឹងគោលការណ៍ធ្យូងថ្មរបស់រដ្ឋាភិបាល នៅទីក្រុងប៊ែឡាំង។
២
អ្នកថ្មើរជើងម្នាក់ពាក់ប្រដាប់ការពារខ្លួនទៅនឹងជំងឺកូវីដ១៩ កំពុងដើរកាត់វិថី Oxford ក្នុងទីក្រុងឡុងដ៍ ប្រទេសអង់គ្លេស។
៣
អ្នកលក់ផ្លែឈើកំពុងទំពាររុក្ខជាតិ qat ដែលជាគ្រឿងជំនួយកម្លាំង នៅក្នុងទីផ្សារមួយក្នុងទីក្រុង សាណា ប្រទេសយេម៉ែន។
៤
សិស្សវិទ្យាល័យ Bahrain Bayan និងក្រុមគ្រួសាររបស់ពួកគេកំពុងទស្សនាកាំជ្រួចនៅឯពិធីសម្ដែងសៀក Bahrain International Circuit ក្នុងទីប្រណាំងរថយន្ត Sakhir កាលពីថ្ងៃទី ១០ មិថុនា ២០២០ នៅខាងត្បូងទីក្រុង Manama បន្ទាប់ពីពួកគេបានប្រារព្ធពិធីបញ្ចប់ការសិក្សា។
៥
ក្មេងៗកំពុងយកល្ហុងចេញពីឡាន នៅឯទីផ្សារបោះដុំឈ្មោះ Okhla នៅទីក្រុងញូវដែលី ប្រទេសឥណ្ឌា។
៦
មន្ត្រីល្បាត កំពុងឈរយាមនៅខណៈដែលបុគ្គលិកក្រុមហ៊ុន Twin Cities Transport and Recovery កំពុងសម្អាតរូបចម្លាក់លោក Christopher Columbus ដែលត្រូវបានគេផ្ដួល នៅទីលាន Minnesota State Capitol ក្នុងទីក្រុង Paul រដ្ឋ Minnesota សហរដ្ឋអាមេរិក កាលពីថ្ងៃទី១០ មិថុនា ២០២០។
៧
អ្នកធ្វើការនៅទីបញ្ចុះសព Xico នៅជាយក្រុងម៉ិកស៊ីកូ កំពុងជីករណ្ដៅថ្មី នៅពេលដែលជំងឺកូវីដ១៩ នៅតែបន្តកើតមាន កាលពីថ្ងៃទី១០ មិថុនា ២០២០។
៨
ជនជាតិដើម Mayan ចូលរួមក្នុងពិធីមួយដើម្បីចងចាំដល់លោក Domingo Choc គ្រូថ្នាំបូរាណជនជាតិដើម Maya ដែលត្រូវបានដុតសម្លាប់ដោយមហាជនដោយចោទប្រកាន់គាត់ថាចេះធ្មប់ នៅឯ Parque Central រដ្ឋធានី ក្វាតេម៉ាឡា ប្រទេសក្វាតេម៉ាឡា កាលពីថ្ងៃទី១០ មិថុនា ២០២០។
៩
សកម្មជនអង្គការ Rio de Paz ជីករណ្ដៅតំណាងឲ្យកន្លែងបញ្ចុះសាកសពនៅឆ្នេរសមុទ្រ Copacabana ដើម្បីតំណាងឲ្យការតវ៉ានឹងវិធានការដែលរដ្ឋាភិបាលដាក់ចេញក្នុងការដោះស្រាយការរាលដាលជំងឺកូវីដ១៩ នៅទីក្រុង Rio de Janeiro ប្រទេសប្រេស៊ីល។
១០
កូនសត្វក្ដាន់មួយក្បាលកំពុងលិតសត្វ coati នៅក្នុងឧទ្យានក្នុងស្រុកតួចមួយ នៃទីក្រុង Bakhchisaray នៅតំបន់គ្រីមេ (Crimea) កាលពីថ្ងៃទី១០ មិថុនា ២០២០។
១១
សត្វចៀមមួយក្បាលកំពុងស៊ីស្មៅ នៅខណៈដែលកូនក្មេងឈរនៅជិតវា នៅលើភ្នំមួយនៅជាយក្រុង Srinagar ប្រទេសឥណ្ឌា។
១២
ថ្ងៃលិចនៅលើទីបញ្ចុះសពជនរងគ្រោះនៃជំងឺកូវីដ១៩ ស្ថិតនៅប្រមាណ ២០គ.ម ពីទីក្រុង Najaf ដែលជាទីក្រុងពិសិដ្ឋរបស់អ៊ីរ៉ាក់ កាលពីថ្ងៃទី១០ មិថុនា ២០២០។