រូបភាពជុំវិញពិភពលោកថ្ងៃទី០៨ ខែកក្កដា ឆ្នាំ២០១៨ មកពីសហរដ្ឋអាមេរិក ប្រទេសថៃ ហៃទី ជប៉ុន ម៉ារ៉ុក បារាំង ឥណ្ឌា ចិន ស្វ៊ីស និងអេស្ប៉ាញ។
រូបភាពជុំវិញពិភពលោក ០៨ កក្កដា ២០១៨
១
រថយន្តសង្គ្រោះបន្ទាន់ចាកចេញពីរូងភ្នំ Tham Luang បន្ទាប់អ្នកជ្រមុជទឹកបានរំដោះក្មេងខ្លះ ដែលជាប់នៅក្នុងរូងភ្នំនេះក្នុងឧទ្យាន Khun Nam Nang Non Forest Park នៅក្នុងស្រុក Mae Sai ខេត្ត Chiang Rai។
២
ប៉ូលិសហៃទីម្នាក់ភ្ជង់កាំភ្លើងដាក់មនុស្សម្នាដើម្បីបង្ការកុំឲ្យពួកគេចូលលួចរបស់របរនៅក្នុងហាង ក្នុងសង្កាត់ Delmas នៅក្បែរក្រុង Port au Prince ក្នុងពេលបាតុកម្មមួយប្រឆាំងនឹងការដំឡើងថ្លៃប្រេង។
៣
មនុស្សម្នាស្ថិតនៅលើដំបូលផ្ទះលិចទឹកនៅក្នុងតំបន់លិចទឹកមួយ នៅពេលពួកគេរងចាំការជួយសង្គ្រោះនៅក្នុងក្រុង Kurashiki ប្រទេសជប៉ុន។
៤
មនុស្សម្នាប្រណាំងសេះនៅក្នុងពិធីបុណ្យ Tan-Tan Moussem Berber លើកទី១៤ នៅក្នុងក្រុង Tan-Tan ប្រទេសម៉ារ៉ុក។
៥
មនុស្សម្នាប្រណាំងកង់ជាក្រុមនៅក្នងុការប្រកួត Tour de France នៅលើផ្ទៃដីចម្ងាយ១៨២,៥គ.ម. ដោយចាប់ផ្តើមពីសង្កាត់ Mouilleron-Saint-Germain និងបញ្ចប់នៅក្នុងសង្កាត់ La Roche Sur-Yon ប្រទេសបារាំង។
៦
អ្នកជឿលើសាសនាហិណ្ឌូសម្តែងឈុតពិសេសមួយនៅក្នុងពេលហាត់សមនៅមុនការដង្ហែក្បួនប្រចាំឆ្នាំ Rath Yatra នៅក្នុងក្រុង Ahmedabad ប្រទេសឥណ្ឌា។
៧
កង់ជាច្រើនប្រភេទត្រូវបានគេទុកចោលនៅក្នុងផ្ទះបែកបាក់ខ្លះៗ នៅក្នុងក្រុង Shanghai ប្រទេសចិន។
៨
មនុស្សម្នាក់ដែលឈរនៅចុងទូកប្រើឈើមួយដើម្បីរុញទម្លាក់គូប្រជែងរបស់ខ្លួន នៅក្នុងព្រឹត្តិការណ៍ប្រពៃណីឈ្មោះ Schifferstechen នៅលើទន្លេ Limmat ក្នុងក្រុង Zurich ប្រទេសស្វ៊ីស កាលពីថ្ងៃទី៧ ខែកក្កដា ឆ្នាំ២០១៨។
៩
សេះព្រៃត្រូវបានគេប្រមូលផ្តុំនៅក្នុងព្រឹត្តិការណ៍ប្រពៃណីមួយឈ្មោះ Rapa das Bestas នៅក្នុងភូមិ Sabucedo ប្រទេសអេស្ប៉ាញ។
១០
អ្នកភូមិដែលរងគ្រោះដោយសារទឹកជំនន់ជិះទូកទៅរកកន្លែងមានសុវត្ថិភាពនៅក្នុងភូមិមួយនៅក្នុងស្រុក Morigaon រដ្ឋ Assam ប្រទេសឥណ្ឌា។
១១
ក្រុមកីឡាករប្រណាំងរថយន្តបានបុកគ្នានៅក្នុងចំណុច Turn 3 ក្នុងពេលប្រកួត NASCAR Cup Series នៅទីលានប្រណាំងរថយន្តអន្តរជាតិ Daytona ក្នុងរដ្ឋ Florida សហរដ្ឋអាមេរិក កាលពីថ្ងៃទី៧ ខែកក្កដា ឆ្នាំ២០១៨។
១២
មនុស្សម្នាចូលរួមងូតទឹកនៅក្នុងធុងដែលមានសុទ្ធតែម្ទេស នៅក្នុងការប្រកួត Spicy Barrel Challenge នៅក្នុងក្រុង Chongqing ប្រទេសចិន កាលពីថ្ងៃទី៧ ខែកក្កដា ឆ្នាំ២០១៨។