កម្រងរូបភាពគួរឲ្យចាប់អាម្មណ៍អំពីហេតុការណ៍ថ្មីៗ និង ទិដ្ឋភាពក្នុងប្រទេសរួមមាន ប៉ាគីស្ថាន ម៉ាល់ត៍ ឥណ្ឌា បូស្ន៊ី អូទ្រីស ប្រេស៊ីល ថៃ សាធារណរដ្ឋឆែក បារាំង សហរដ្ឋអាមេរិក ចិន និងអាល្លឺម៉ង់។
រូបភាពជុំវិញពិភពលោក ១២ កក្កដា ២០២០
១
ក្រុមក្មេងៗរុំមុខដោយថង់ផ្លាស្ទិក និងកំពុងរុញរទេះក្នុងពេលភ្លៀងនៅទីក្រុង Peshawar ប្រទេសប៉ាគីស្ថាន។
២
ផ្កាយដុះកន្ទុយ C/2020 ឬ Neowise នៅលើមេឃនៅខាងក្រោយប៉ម St. Mark នៅបន្ទាយទាហានដែលមានអាយុកាលតាំងពីសតវត្សរ៍ទី១៧ នៅជិតភូមិ Bahar ic-Caghaq ប្រទេសមាល់ត៍។
៣
ក្រុមការងារនៅក្នុងទីក្រុងដែលពាក់ឧបករណ៍សម្រាប់ការពារ កំពុងរង់ចាំចូលទៅកាន់និវេសដ្ឋានរបស់តារាសម្ដែង Bollywood លោក Amitabh Bachchan ដើម្បីសម្អាតអនាម័យបន្ទាប់ពីតារាសម្ដែងរូបនេះ និងកូនប្រុសរបស់លោកត្រូវបានធ្វើតេស្តរកឃើញមានផ្ទុកវីរុសកូរ៉ូណា នៅទីក្រុង Mumbai ប្រទេសឥណ្ឌា។
៤
ស្ត្រីម្នាក់ស្រែកយំនៅឯទីបញ្ចុះសព នៅមុនពិធីដង្ហែសពធំមួយនៅតំបន់ Potocari ជិតក្រុង Srebrenica ប្រទេសបូស្ន៊ី និង Herzegovina កាលពីថ្ងៃទី១១ កក្កដា ២០២០។ ប្រទេសបូស្ន៊ីប្រារព្ធពិធីរំឭកខួប២៥ឆ្នាំនៃការសម្លាប់រង្គាលជនជាតិបូស្នីកាន់សាសនាឥស្លាមជាង ៨ ពាន់នាក់។ ប៉ុន្តែសាច់ញាតិនៃជនរងគ្រោះភាគច្រើនមិនបានចូលរួមពិធីរំឭកខួបនេះទេ ដោយសារតែបញ្ហាកូវីដ១៩។
៥
លោក Lewis Hamilton មកពីចក្រភពអង់គ្លេស ដែលបើកបរឡានក្រុមហ៊ុន Mercedes (ឆ្វេង) កំពុងនាំមុខក្នុងការប្រណាំងឡាន Styrian Formula One Grand Prix នៅទីលានប្រណាំង Red Bull Ring ក្នុងទីក្រុង Spielberg ប្រទេសអូទ្រីស។
៦
លោក Tercio Galdino អាយុ ៦៥ ឆ្នាំ ពាក់សម្លៀកបំពាក់ការពារខ្លួន ដើរនៅលើចិញ្ចើមផ្លូវនៃឆ្នេរសមុទ្រ Copacabana ក្នុងពេលមានការផ្ទុះឡើងនៃជំងឺកូវីដ១៩ នៅទីក្រុង Rio de Janeiro ប្រទេសប្រេស៊ីល។
៧
ស្ត្រីម្នាក់ពាក់ម៉ាស់កំពុងអ៊ុតសក់ឲ្យរួញដោយប្រើឧបករណ៍ពិសេស នៅហាងអ៊ុតសក់មួយកន្លែងនៅទីក្រុងបាងកក ប្រទេសថៃ។
៨
កូនឆ្មាមួយក្បាលនៅក្នុងភូមិ Krompach ជិតទីក្រុង Cvikov សាធារណរដ្ឋឆែក កាលពីថ្ងៃទី១១ កក្កដា ២០២០។
៩
អ្នកទស្សនាកំពុងឈរនៅខាងក្នុងរង្វង់នៃវាលស្រូវសាលី ដែលត្រូវអ្នកភូមិប្រទះឃើញ នៅជិតទីរំឭកការចងចាំជាតិកាណាដា (Canadian National Vimy Memorial) ក្នុងទីក្រុង Vimy ប្រទេសបារាំង កាលពីថ្ងៃទី១១ កក្កដា ២០២០។
១០
ម៉ាស៊ីនឡានរបស់អ្នកបើកបរឈ្មោះ Kyle Wurtzel នៃសមាគមប្រណាំងឡាន NHRA បានផ្ទុះក្នុងពេលប្រណាំងដើម្បីឈានទៅវគ្គ E3 Spark Plugs Nationals នៅទីលានប្រណាំង Lucas Oil Raceway ក្នុងទីក្រុង Clemont រដ្ឋ Indiana សហរដ្ឋអាមេរិក កាលពីថ្ងៃទី១១ កក្កដា ២០២០។
១១
ក្មេងប្រុសម្នាក់ពាក់ម៉ាស់ និងកំពុងលេងនៅខាងក្នុងធុងដែលអាចបន្ធូរខ្យល់បាន នៅក្នុងសួនសាធារណៈ ក្នុងទីក្រុងប៉េកាំង ប្រទេសចិន កាលពីថ្ងៃទី១១ កក្កដា ២០២០។
១២
ថ្ងៃរះនៅលើសមុទ្រ Baltic ក្នុងទីក្រុង Timmendorfer Strand ស្ថិតនៅភាគខាងកើតនៃប្រទេសអាល្លឺម៉ង់។