កម្រងរូបភាពល្អៗអំពីហេតុការណ៍និងទិដ្ឋភាពក្នុងប្រទេសនានានៅជុំវិញពិភពលោក។
រូបភាពជុំវិញពិភពលោក ១១ កក្កដា ២០១៩
១
មនុស្សម្នាចូលរួមក្នុងការរំលឹកការចងចាំជាសាធារណៈដល់លោក Marco Leung បុរសអាយុ៣៥ឆ្នាំ ដែលបានស្លាប់កាលពីប៉ុន្មានសប្ដាហ៍កន្លងទៅ នៅទីក្រុងហុងកុង ក្រោយពេលលោកបានចងបដាសម្រាប់ធ្វើបាតុកម្មប្រឆាំងនឹងសេចក្តីព្រាងច្បាប់ដែលអនុញ្ញាតឲ្យនាំឧក្រិដ្ឋជនទៅកាន់ចិនដីគោក។
២
អ្នកកាន់សាសនាឥស្លាមជនជាតិបូស្ន៊ី សែងមឈូសដែលដាក់សាកសពចំនួន ៣៣ ដែលទើបស្គាល់អត្តសញ្ញាណ ដែលត្រូវបានសម្លាប់ក្នុងការសម្លាប់រង្គាល Srebrenica កាលពីឆ្នាំ១៩៩៥ មុនពេលបញ្ចុះសពទាំងនេះនៅទីចងចាំ Potocari នៅជិតទីក្រុង Srebrenica នៅភាគខាងកើតនៃប្រទេសបូស្ន៊ី។
៣
បុគ្គលិកថតរូបឡាន Volkswagen Beetle ក្នុងពិធីមួយដែលរៀបចំដើម្បីបញ្ចប់ការផលិតឡាន VW Beetle នៅឯក្រុមហ៊ុនតំឡើងរថយន្ត នៅទីក្រុង Puebla ប្រទេសម៉ិកស៊ិក។ ឡានប្រភេទ Beetle មិនមែនសម្រាប់លក់ទេ ប៉ុន្តែគេមានគោលដៅយកវាទៅតាំងនៅសារមន្ទីរ។
៤
នាង Terrian Jones ស្រែកនៅពេលនាងដើរកាត់ទឹកត្រឹមជង្គង់ដោយកាន់ក្មេងឈ្មោះ Drew និង Chance Furlough ដើរទៅកាន់ម្ដាយរបស់ពួកគេ នៅផ្លូវ Belfast ក្នុងទីក្រុង New Orleans រដ្ឋ Louisiana ក្នុងពេលមានទឹកជំនន់បណ្ដាលមកពីព្យុះនៅឈូងសមុទ្រម៉ិកស៊ិក។
៥
នាង Yazmin Juarez ជាម្ដាយរបស់ក្មេងឈ្មោះ Mariee អាយុ១៩ខែ ដែលបានស្លាប់ក្រោយពេលឃុំឃាំងដោយអាជ្ញាធរអន្តោប្រវេសន៍និងគយអាមេរិក។ នាងជូតទឹកភ្នែកនៅពេលនាងធ្វើសក្ខីកម្មនៅអនុគណៈកម្មការរដ្ឋសភា ដែលឃ្លាំមើលសិទ្ធិមនុស្សនិងសេវាកម្មសាធារណៈ។ នាងបានថ្លែងក្នុងសវនាការមួយដែលមានចំណងជើងថា «ក្មេងក្នុងទ្រុង៖ ការប្រព្រឹត្តិអមនុស្សធម៌នៅព្រំដែន» ដែលព្រព្រឹត្តឡើងនៅរដ្ឋធានីវ៉ាស៊ីនតោន។
៦
ក្មេងស្រី២នាក់កំពុងចែវក្បូនក្បែរផ្ទះដែលលិចទឹក នៅក្នុងភូមិដែលរងការប៉ះពាល់ដោយទឹកជំនន់ នៅស្រុក Karbi Anglong ស្ថិតនៅភាគឦសាននៃរដ្ឋ Assam ប្រទេសឥណ្ឌា។
៧
ម្ចាស់ក្សត្រីជប៉ុន Mako កំពុងទស្សនាមជ្ឈមណ្ឌលវប្បធម៌ជប៉ុន ប៉េរូ ក្នុងទ្រុងលីម៉ា ប្រទេសប៉េរូ។
៨
ដូនជីកំពុងអង្គុយនិងឈរនៅមាត់សមុទ្រក្នុងទីក្រុងឡាហាវ៉ាន ប្រទេសគុយបា។
៩
សត្វរំពេមួយបានឆ្លុះស្រមោលទៅលើសត្វរំពេមួយទៀត ដែលកំពុងពាំត្រីដែលចាប់បានពីទឹកនៃឆកសមុទ្រ Casco នៅទីក្រុង Portland រដ្ឋ Maine សហរដ្ឋអាមេរិក។