រូបភាពជុំវិញពិភពលោកថ្ងៃទី ២៦ មករា ២០១៧ ពីប្រទេស អាហ្វ្រិកខាងត្បូង ឥណ្ឌា អាមេរិក អូស្រ្តាលី ស៊ីលី បារាំង ហ្វីលីពីន ស៊ីរី អ៊ីស្រាអែល អ៊ុយក្រែន អ៊ីរ៉ាក់ និង សាធារណរដ្ឋឆែក។
រូបភាពជុំវិញពិភពលោក ២៦ មករា ២០១៧
១
លោក Percy Maimela វិចិត្រករដែលរៀនគូរគំនូរដោយខ្លួនឯងបានគូររូបលោកអតីតប្រធានាធិបតីអាមេរិក បារ៉ាក់ អូបាម៉ា ដែលគំនូរនេះលោកគូរដោយប្រើអំបិល នៅឯផ្ទះរបស់លោកក្នុងក្រុង Pretoria ប្រទេសអាហ្វ្រិកខាងត្បូង។
២
បេក្ខជនបវរកញ្ញាពិភពលោកពីប្រទេសវៀតណាម នាង Le Hang កំពុងប្រកួតប្រជែងក្នុងកម្មវិធីប្រកួតសម្លៀកបំពាក់ប្រពៃណីជាតិ នៅទីក្រុងម៉ានីល ប្រទេសហ្វីលីពីន។
៣
ទាហានអ៊ីស្រាអែលបោះទីតាំងពេលបើកការប្រយុទ្ធជាមួយអ្នកគប់ដុំថ្មជាតិប៉ាលេស្ទីន នៅពេលមានបាតុកម្មទាមទារឲ្យអាជ្ញាធរអ៊ីស្រាអែលប្រគល់សាកសពជនប៉ាលេស្ទីនដែលត្រូវបានសម្លាប់ក្នុងពេលប្រយុទ្ធគ្នា ត្រឡប់ទៅឲ្យពួកគេវិញ។
៤
មនុស្សកំពុងជិះក្នុងរថយន្តមួយដែលដឹកពេញទៅដោយទ្រព្យសម្បត្តិ បន្ទាប់ពីរត់គេចចេញពីការប៉ះទង្គិចគ្នានៅភាគខាងជើងនៃទីក្រុង al-Bab ប្រទេសស៊ីរី។
៥
អ្នកធ្វើការម្នាក់ចង្អុលទៅកាន់រូបភាពលើជញ្ជាំងដែលមានសញ្ញា SS របស់ពួកណាស៊ី នៅលើជញ្ជាំងមួយដែលគំនូរនេះធ្វើឡើងដើម្បីឧទ្ធិសជូនមន្ត្រីប៉ូឡូញ នៅឯបូជនីយដ្ឋានសម្រាប់ការចងចាំ Bykovnia នៅជិតទីក្រុង Kiev។
៦
អ្នកពន្លត់ភ្លើងម្នាក់អោបទារកដោយមានពាក់ម៉ាស់នៅជិតម្តាយ ក្នុងពេលមានគ្រោះអគ្គិភ័យមួយនៅក្នុងទីក្រុង Penco នៃតំបន់ Concepcion ភាគខាងត្បូងប្រទេសស៊ីលី។
៧
អ្នករៀបចំកម្មវិធីបង្ហាញម៉ូត និងជាតារាបង្ហាញម៉ូត នាង Jessica Minh Anh បង្ហាញការច្នៃប្រឌិតមួយនៅមុនពេលការបង្ហាញម៉ូតរដូវរងាឆ្នាំ២០១៧។ នាងបានឡើងលើកន្លែងដើរបង្ហាញម៉ូតលើកប៉ាល់ ក្នុងដំណើរទស្សនកិច្ចតាមកប៉ាល់នៅលើទន្លេ Seine ក្នុងទីក្រុងប៉ារីស។
៨
ក្រុមទាហាមឥណ្ឌាបង្ហាញជំនាញរបស់ពួកគេនៅលើម៉ូតូ ពេលសម្តែងក្នុងទិវា«សាធារណៈរដ្ឋ» នៅទីក្រុងញូវដេលី។
៩
ជនបាត់បង់ទីជម្រកដោយសារការប៉ះទង្គិចគ្នា បានទទួលជំនួយនៅភាគខាងកើតទីក្រុង Mosul ប្រទេសអ៊ីរ៉ាក់។
១០
នាង Gabriela Papadakis និងលោក Guillame Cizeron ពីប្រទេសបារាំងកំពុងប្រកួតប្រជែងក្នុងកម្មវិធីរាំនៅលើទឹកកក ក្នុងកម្មវិធីជ្រើសរើសជើងឯកជិះស្គីលើទឹកកកទ្វីបអឺរ៉ុប នៅទីក្រុង Ostrava សាធារណរដ្ឋឆែក។
១១
ក្រុមអ្នកចូលរួមប្រកួតក្នុងការប្រណាំងកាណូតប្រចាំឆ្នាំ អមដោយទូកតូចៗកំពុងបើកកាត់សាលសម្តែងល្ខោនអូប៉េរា នៅទីក្រុងស៊ីដនី ដែលកម្មវិធីនេះជាផ្នែកមួយនៃការប្រារព«ទីវាអូស្ត្រាលី» ។