កម្រងរូបភាពគួរឲ្យចាប់អាម្មណ៍អំពីហេតុការណ៍ និងទិដ្ឋភាពក្នុងប្រទេសនានានៅជុំវិញពិភពលោក។
រូបភាពជុំវិញពិភពលោក ២៤ មករា ២០២០
១
នាយករដ្ឋមន្ត្រីអង់គ្លេស លោក Boris Johnson កំពុងមើលតោចិនសម្ដែងម៉ុងសាយ នៅពេលលោករៀបចំការទទួលបុណ្យចូលឆ្នាំចិន នៅអាគាររដ្ឋាភិបាលដែលគេហៅថា 10 Downing Street នៅកណ្ដាលទីក្រុងឡុងដ៍។
២
គ្រឿងចក្រអេស្កាវ៉ាទ័រកំពុងធ្វើការនៅការដ្ឋានសាងសង់មន្ទីរពេទ្យថ្មី ដែលសម្រេចឲ្យបានក្នុងរយៈពេល១០ ថ្ងៃ ដើម្បីព្យាបាលអ្នកជំងឺកូរ៉ូណា ដែលផ្ទុះឡើងនៅទីក្រុង Wuhan ខេត្ត ហូបី ប្រទេសចិន។
៣
អធិកាបតីអាល្លឺម៉ង់ លោកស្រី Angela Merkel ទទួលអំណោយពីប្រធានាធិបតីតួកគី Tayyip Erdogan ក្នុងពិធីបើកជាផ្លូវការ អាគារសាកលវិទ្យាល័យតួកគី-អាល្លឺម៉ង់នៅទីក្រុងអ៊ីស្តង់ប៊ុល ប្រទេសតួកគី។
៤
ទាហានជិះសេះឈរជាជួរក្នុងពេលហាត់សមសម្រាប់ពិធីយោធា Beating Retreat នៅកូនភ្នំ Raisina ដែលមានអាគារនៃក្រសួងសំខាន់ៗរបស់ឥណ្ឌា និងមានអាគារប្រធានាធិបតី នៅទីក្រុងញូវដែលលី ប្រទេសឥណ្ឌា។
៥
អ្នកគោរពសាសនាហិណ្ឌូ នាំគ្នាមកមុជទឹកនៅ Sangam ដែលជាចំណុចប្រសព្វនៃទន្លេ Ganges និងទន្លេ Yamuna នៃរឿងព្រេង Saraswati នៅក្នុងពិធីប្រចាំឆ្នាំ Magh Mela នៅទីក្រុង Allahabad ប្រទេសឥណ្ឌា។
៦
កីឡាការនី Naomi Osaka របស់ជប៉ុនអង្គុយគ្របមុខនឹងក្រមា នៅពេលសម្រាកក្នុងការប្រកួតជុំទី៣ ហើយបានចាញ់កីឡាការនី Coco Gauff មកពីសហរដ្ឋអាមេរិក ក្នុងការប្រកួតកីឡាតិន្នីស Australian Open នៅទីក្រុង Melbourne ប្រទេសអូស្ត្រាលី។
៧
ក្មេងៗកំពុងលេងព្រិលទឹកកកនៅជាយក្រុងកាប៊ុល ប្រទេសអាហ្វហ្គានីស្ថាន។
៨
សកម្មជនប្រឆាំងនឹងបម្រែបម្រួលអាកាសធាតុស៊ុយអែត នាង Greta Thunberg (កណ្ដាល) ចូលរួមក្នុងការធ្វើកូដកម្មក្នុងវេទិកាសេដ្ឋកិច្ចពិភពលោក លើកទី៥០ នៅទីក្រុងដាវ៉ូស ប្រទេសស្វ៊ីស។
៩
សិល្បករស្វ៊ីស លោក Alain Roche លេងព្យាណូ ដែលសំយុងចុះក្រោមពីគ្រឿងចក្រក្រែន ក្នុងពេលប្រគំតន្ត្រីនៅការដ្ឋាសំណង់ក្នុងទីក្រុងមុយនិច ប្រទេសអាល្លឺម៉ង់។