រូបភាពជុំវិញពិភពលោកថ្ងៃទី២២ ខែមករា ឆ្នាំ២០១៧ មកពីប្រទេសអ៊ីរ៉ាក់ ម៉ាឡេស៊ី អូទ្រីសហ្គំប៊ី ឈីលី អាល្លឺម៉ង់ ចិន និងជប៉ុន។
រូបភាពជុំវិញពិភពលោក ២២ មករា ២០១៧
១
បុរសអ៊ីរ៉ាក់ម្នាក់ដើរនៅខាងក្រៅសាកលវិទ្យាល័យ Mosul's University មួយសប្តាហ៍បន្ទាប់ពីកងកម្លាំងប្រឆាំងភេរវកម្មរបស់អ៊ីរ៉ាក់បានដណ្តើមយកបានពីក្រុមជីហាដរដ្ឋឥស្លាមវិញ។
២
អ្នកសម្តែងម្នាក់តុបតែងជាព្រះនាង Empress Huang ចូលរួមក្នុងការសម្តែងមួយនៅផ្សារទំនើបក្នុងក្រុងគូឡាឡាំពួដើម្បីប្រារព្ធពិធីចូលឆ្នាំចិននាពេលខាងមុខ។
៣
កីឡាករ Dave Ryding របស់អង់គ្លេសសប្បាយចិត្តសម្រាប់ជ័យលាភីលេខ២របស់ខ្លួនបន្ទាប់ពីប្រកួតការជិះស្គីចុះពីជម្រាលភ្នំ ក្នុងក្រុង Kitzbuehel ប្រទេសអូទ្រីស។
៤
សាឡាងមួយដឹកមនុស្សដែលរត់គេចពីប្រទេសហ្គំប៊ីទៅដល់កំពង់ផែនៅក្នុងក្រុង Banjul មួយថ្ងៃបន្ទាប់ពីលោក Yahya Jammeh ដែលចាញ់ឆ្នោតបានរត់ចេញពីប្រទេសនេះ។ រដ្ឋធានីរបស់ប្រទេសហ្គំប៊ីកំពុងរង់ចាំការមកដល់របស់មេដឹកនាំថ្មី និងសម័យនៃលទ្ធិប្រជាធិបតេយ្យ ប៉ុន្មានម៉ោងបន្ទាប់ពីមេដឹកនាំផ្តាច់ការដែលកាន់តំណែង២២ឆ្នាំរត់ភៀសខ្លួនដោយមានការសន្យាដ៏ពិសេសមួយពីសហគមន៍អន្តរជាតិ។
៥
លោក Yahya Jammeh មេដឹកនាំចាញ់ឆ្នោតរបស់ប្រទេសហ្គំប៊ីបក់ដៃទៅកាន់អ្នកគាំទ្រ នៅពេលលោកចាកចេញពីព្រលានយន្តហោះ Banjul កាលពីថ្ងៃទី២១ ខែមករា ឆ្នាំ២០១៧។ លោក Jammeh បានប្រកាសថា លោកសម្រេចចិត្តចុះចេញពីអំណាច បន្ទាប់ពីប៉ុន្មានម៉ោងកិច្ចចរចាចុងក្រោយជាមួយនឹងមេដឹកនាំថ្នាក់តំបន់ និងការគំរាមកំហែងរបស់កងកម្លាំងយោធាថ្នាក់តំបន់ដើម្បីបណ្តេញលោកចេញ។
៦
ភ្លើងឆេះកើតឡើងនៅតាមផ្លូវមួយនៅក្នុងក្រុង Hualane នៅជាយក្រុង Curico ភាគខាងត្បូងនៃប្រទេសឈីលី កាលពីថ្ងៃទី២១ ខែមករា ឆ្នាំ២០១៧។
៧
បក្សីម្យ៉ាងបញ្ចុកកូនរបស់វានៅក្នុងសំបុកនៅក្នុងក្រុង Klang ប្រទេសម៉ាឡេស៊ី កាលពីថ្ងៃទី២១ ខែមករា ឆ្នាំ២០១៧។
៨
អ្នកប្រកួតជិះរទេះឈើបុកគ្នា ក្នុងពេលប្រកួតទេះសេះបែបប្រពៃណី Bavarian ដែលត្រូវបានគេស្គាល់ថា Schnablerrennen ក្នុងក្រុង Gaissach ប្រទេសអាល្លឺម៉ង់។
៩
អគារជាច្រើនដួលរលំ ក្នុងពេលវាយកម្ទេចមួយនៅក្នុងក្រុង Wuhan ខេត្ត Hubei ប្រទេសចិន កាលពីថ្ងៃទី២១ ខែមករា ឆ្នាំ២០១៧។
១០
តោសមុទ្រម្យ៉ាងសរសេរអក្សរចិនដែលមានន័យថា «មាន់» នៅឧទ្យាន Hakkeijima Sea Paradise ក្នុងក្រុង Yokohama ប្រទេសជប៉ុន។