កម្រងរូបភាពនៃព្រឹត្តិការណ៍សំខាន់ៗនិងទិដ្ឋភាពនានាពីប្រទេសផ្សេងៗនៅជុំវិញពិភពលោក។
រូបភាពជុំវិញពិភពលោក ០៣ មករា ២០១៩
១
លោក Markus Schiffner ពីប្រទេសអូទ្រីសលោតទៅលើអាកាសក្នុងពេលសាកល្បងលោតនៅជុំទី៣នៃព្រឹត្តិការណ៍ប្រលងប្រជែងការលោតស្គីលើកទី៦៧ ដែលឆ្លងកាត់កូនភ្នំចំនួន៤ ក្នុងទីក្រុង Innsbruck ប្រទេសអូទ្រីស។
២
ប្រធានសភាលោកស្រី Nancy Pelosi ចាត់ចែងការស្បថចូលកាន់តំណែងសមាជិករដ្ឋសភា និងប្រតិភូសភាជាន់ទាបរបស់សហរដ្ឋអាមេរិក នៅក្នុងពេលចាប់ផ្ដើមសភាលើកទី១១៦ នៅអាគាររដ្ឋសភានៃវិមានកាពីតូល ក្នុងរដ្ឋធានីវ៉ាស៊ីនតោន។
៣
នាវាដែលលិចពាក់កណ្ដាលកំពុងផ្អៀងទៅម្ខាងនៅក្នុងឈូងសមុទ្រ Elefsina នៅខាងលិចនៃទីក្រុងអាថែន។ នាវាដឹកទំនិញនិងដឹកអ្នកដំណើររាប់សិបដែលគេបោះបង់ចោលបានលិចពាក់កណ្ដាល ហើយខ្លះលិចបាត់ទៅក្នុងទឹកនៅជុំវិញឈូងសមុទ្រ Elefsina នៅជិតកំពង់ផែ Piraeus ដែលជាកំពង់ផែធំរបស់ប្រទេសក្រិក។
៤
ជនជាតិឥណ្ឌាម្នាក់ផ្លុំភ្លើងនៅពេលគាត់បង្ហាញជំនាញសិល្បៈក្បាច់គុណក្នុងពិធីបុណ្យសាសនាមួយ មុនពេលខួបកំណើតរបស់ព្រះគ្រូ Guru Gobind Singh នៅក្រុង Jammu ប្រទេសឥណ្ឌា។
៥
ជនជាតិប៉ាគីស្ថានបើកបរយានយន្តនៅលើដងផ្លូវក្នុងពេលដែលមានចុះអ័ព្ទខ្លាំង និងការបំពុលបរិយាកាសនៅទីក្រុង Lahore។
៦
រូបភាពពីរដ្ឋបាលអវកាសជាតិចិនដែលផ្សាយតាមរយៈទីភ្នាក់ងារព័ត៌មានចិន Xinhua បង្ហាញរូបភាពខាងក្រៅនៃភពព្រះចន្ទ ដែលរូបភាពនេះត្រូវបានថតដោយក្រុមស្រាវជ្រាវភពព្រះចន្ទ Chang'e-4 របស់ចិន។
៧
អ្នកមើលថែសួនម្នាក់កំពុងលេងជាមួយសត្វស្វាក្នុងពិធីថតរូបបង្ហាញប្រចាំឆ្នាំ ដែលធ្វើឡើងនៅសួនសត្វ ZSL នៅកណ្ដាលទីក្រុងឡុងដ៍ ប្រទេសអង់គ្លេស។
៨
រូបថតពីអាកាសដែលបោះពុម្ពផ្សាយដោយឆ្មាំសមុទ្ររបស់ហូឡង់ បង្ហាញពីកុងតឺន័ររាប់សិបនៅលើកប៉ាល់ MSC ZOE។
៩
ក្មេងៗកំពុងលេងជាមួយពពុះនៅតាមផ្លូវដើរ នៅទីក្រុង Nice ប្រទេសបារាំង។
១០
សត្វ flamingo កំពុងរកចំណីនៅលើឆ្នេរនៅខាងកើតនៃទីក្រុងកូវ៉ែត ប្រទេសកូវ៉ែត។