Hello VOA សំឡេងជំនាន់ថ្មី៖ កម្មករកាត់ដេរអាចប្រឈមនឹងការបោះបង់ការងារក្នុងអំឡុងវិបត្តិជំងឺកូវីដ១៩
វីរុសកូរ៉ូណាកំពុងធ្វើឲ្យប៉ះពាល់ដល់វិស័យជាច្រើននៅកម្ពុជា។ ក្នុងវិស័យកាត់ដេរដែលមានកម្មករកំពុងធ្វើការជាង៨០ម៉ឺននាក់ ក៏កំពុងប្រឈមខ្លាំង ដោយសារអ្នកបញ្ជាទិញភាគច្រើននៅសហគមន៍អឺរ៉ុប និងសហរដ្ឋអាមេរិក បានផ្អាកការបញ្ជាទិញដោយសារផលប៉ះពាល់ពីវីរុសនេះ។ ការផ្អាកបញ្ជាទិញនេះ ធ្វើឲ្យរោងចក្រជាច្រើននៅកម្ពុជា សម្រេចព្យួរផលិតកម្ម ហើយកម្មករជាច្រើនពាន់នាក់ក៏ត្រូវបានព្យួរការងារ។ អ្នកស្រី ដោក សុវណ្ណ ប្រធានសម្ព័ន្ធសហជីពកម្ពុជា (CATU) ប្រចាំរោងចក្រយីដា ថ្លែងក្នុងកម្មវិធី Hello VOA សំឡេងជំនាន់ថ្មីថា កម្មករកាត់ដេរអាចប្រឈមនឹងការបោះបង់ការងារប្រសិនបើមិនមានការគាំទ្រផ្នែកជីវភាពក្នុងអំឡុងវិបត្តិជំងឺកូវីដ១៩នេះ។ (កញ្ញា កាន់ វិច្ឆិកា, Hello VOA សំឡេងជំនាន់ថ្មី, ភ្នំពេញ, ២០ មេសា ២០២០)
