តួលេខរបស់ក្រសួងការងារបានបង្ហាញថា ពលករខ្មែរដែលធ្វើចំណាកស្រុកដោយមានឯកសារ មានយ៉ាងហោចណាស់ ១លាន ៣សែននាក់ ខណៈសង្គមស៊ីវិលការពារសិទ្ធិពលករលើកឡើងថា ពលករយ៉ាងហោចណាស់ ១លាននាក់ផ្សេងទៀត កំពុងធ្វើចំណាកស្រុកដោយគ្មានឯកសារ។ ពលករជាច្រើននាក់បានខ្ចីបុលគេដើម្បីធ្វើឯកសារ ឬបង់ឱ្យមេខ្យល់ដើម្បីធ្វើចំណាកស្រុក ហើយពួកគេខ្លះបានបង្ខំចិត្តត្រឡប់មកស្រុកកំណើតវិញ ដោយបន្តស្ពាយបំណុលទាំងនោះជាប់ខ្លួនរាប់សិបឆ្នាំ។ អ្នកនាង កាន់ វិច្ឆិកា រាយការណ៍លម្អិតឲ្យវីអូអេពីខេត្តបន្ទាយមានជ័យ៕