កម្រងរូបភាពនៃព្រឹត្តិការណ៍សំខាន់ៗនិងទិដ្ឋភាពនានាពីប្រទេសផ្សេងៗនៅជុំវិញពិភពលោក។
រូបភាពជុំវិញពិភពលោក ២៨ កុម្ភៈ ២០១៩
១
ទឹកជំនន់បណ្ដាលមកពីភ្លៀងធ្លាក់ខ្លាំងនៅលើផ្លូវនៅជាយក្រុងហ្ស៊េរុយសាឡិម ប្រទេសអ៊ីស្រាអែល។
២
អ្នកចូលរួមនាំគ្នាកាន់ភ្លើងនិងទង់ជាតិនៅពេលពួកគេដើរនៅលើផ្លូវ ក្នុងពិធីធ្វើត្រាប់សម្រាប់ទិវា «ចលនាឯករាជ្យ ១ មីនា» ដែលជាពិធីរំឭកខួបនៃការងើបប៉ះបោរកាលពីឆ្នាំ១៩១៩ ប្រឆាំងនឹងការគ្រប់គ្រងរបស់អាណានិគមជប៉ុន នៅទីក្រុង Cheonan ប្រទេសកូរ៉េខាងត្បូង។
៣
ក្មេងស្រីម្នាក់យកចំនិតនំប៉័ងពីយុទ្ធជននៃ«កងកម្លាំងប្រជាធិបតេយ្យស៊ីរី» នៅជិតភូមិ Baghouz ខេត្ត Deir Al Zor ប្រទេសស៊ីរី។
៤
អ្នកដែលត្រូវតែងតាំងម្នាក់ក្នុងចំណោម១៩នាក់សម្រាប់កម្មវិធី Carnival of Santa Cruz បង្ហាញសម្លៀកបំពាក់នៅលើឆាកធំក្នុងពិធីខានីវ៉ាល នៅទីក្រុង Santa Cruz de Tenerife នៃកោះ Tenerife ប្រទេសអេស្ប៉ាញ។
៥
ក្រុមអ្នកសប្បាយរីករាយស្លៀកសម្លៀកបំពាក់សម្រាប់កម្មវិធីខានីវ៉ាលនៅថ្ងៃចាប់ផ្ដើមពិធីនេះ នៅទីក្រុង Cologne ប្រទេសអាល្លឺម៉ង់។
៦
ស្ត្រីម្នាក់អង្គុយនៅកន្លែងដែល poppy កំពុងចេញផ្កានៅបឹង Elsinore រដ្ឋកាលីហ្វ័រញ៉ា។
៧
ក្រុមអ្នករាំនៃក្រុមរបាំ «បាឡេរដ្ឋ» ឬ Wiener Staatsballett សម្ដែងក្នុងការហាត់សមសម្រាប់ការសម្ដែងល្ខោនអូប៉េរា នៅទីក្រុវវីយ៉ែន ប្រទេសអូទ្រីស។
៨
រន្ទះបាញ់នៅលើសមុទ្រនៅជិតរបងការពារ Fort St Elmo ក្នុងពេលមានព្យុះនៅក្រុង Valletta ប្រទេសម៉ាល់ត៍។
៩
អ្នកបង្ហាញម៉ូតស្លៀកសម្លៀកបំពាក់ច្នៃម៉ូតរបស់អ្នករចនាម៉ូតជនជាតិឥណ្ឌាលោក Manish Arora សម្រាប់ការបង្ហាញម៉ូតរដូវស្លឹកឈើជ្រុះនិងរដូវរងា ដែលនឹងប្រព្រឹត្តទៅនៅទីក្រុងប៉ារីស ប្រទេសបារាំង។
១០
សត្វល្អិតហើរនៅលើផ្កាក្នុងពេលដែលសីតុណ្ហភាពឡើងខ្ពស់នៅក្នុងពិធីតាំងពិព័រណ៍បន្លែនិងផ្លែឈើដែលគេហៅថា «ega» នៅទីក្រុង Erfurt ប្រទេសអាល្លឺម៉ង់។