រូបភាពជុំវិញពិភពលោកថ្ងៃទី២៤ ខែកុម្ភៈ ឆ្នាំ២០១៩ មកពីសហរដ្ឋអាមេរិក ប្រទេសប្រេស៊ីល វ៉េណេស៊ុយអេឡា នីហ្សេរីយ៉ា ម៉ារ៉ុក ឥណ្ឌូណេស៊ី ព័រទុយហ្គាល់ ក្រិក ចិន អ៊ីតាលី រុស្ស៊ី បារាំង និងអូទ្រីស។
រូបភាពជុំវិញពិភពលោក ២៤ កុម្ភៈ ២០១៩
១
បាតុករគប់ដុំថ្មទៅកងកម្លាំងវ៉េណេស៊ុយអេឡា ដែលឈរយាមនៅព្រំដែនវ៉េណេស៊ុយអេឡា និងប្រេស៊ីល នៅក្នុងរដ្ឋ Roraima ប្រទេសប្រេស៊ីល។
២
បាតុកររុញរថយន្តក្រុងដែលឆេះនៅក្នុងពេលប៉ះទង្គិចគ្នាជាមួយនឹងកងកម្លាំង Bolivarian National Guard នៅក្នុងក្រុង Urena ប្រទេសវ៉េណេស៊ុយអេឡា នៅក្បែរព្រំដែនជាមួយនឹងប្រទេសកូឡុំប៊ី កាលពីថ្ងៃទី២៣ ខែកុម្ភៈ ឆ្នា២០១៩។ កងកម្លាំងជាតិរបស់វ៉េណេស៊ុយអេឡាបានបាញ់ឧស្ម័នទឹកភ្នែកទៅលើពលរដ្ឋដើម្បីបំបែករបាំងនៅលើស្ពានព្រំដែនរវាងប្រទេសវ៉េណេស៊ុយអេឡា និងកូឡុំប៊ី។
៣
បុរសម្នាក់ស្តាប់វិទ្យុជាភាសានីហ្សេរីយ៉ាចាំស្តាប់លទ្ធផលនៃការបោះឆ្នោតប្រធានាធិបតី នៅក្នុងក្រុង Yola រដ្ឋ Adamawa ប្រទេសនីហ្សេរីយ៉ា។
៤
ព្រះអង្គម្ចាស់ Prince Harry និងព្រះនាង Meghan យាងចូលរួមពិធី Henna ខណៈពេលដែលទ្រង់ធ្វើព្រះរាជទស្សនកិច្ចទៅកាន់ផ្ទះសម្រាប់ក្មេងស្រីស្នាក់នៅ ដែលគ្រង់គ្រងដោយអង្គការ Education for All នៅក្នុងក្រុង Asni ប្រទេសម៉ារ៉ុក។
៥
អ្នកពន្លត់អគ្គិភ័យពន្លត់អគ្គិភ័យនៅលើទូកនេសាទ នៅផែ Muara Baru ក្រុងហ្សាការតា ប្រទេសឥណ្ឌូណេស៊ី កាលពីថ្ងៃទី២៣ ខែកុម្ភៈ ឆ្នាំ២០១៩។
៦
បុរសមួយក្រុមសម្តែងការជល់គោមួយ ដែលគេហៅថា Capeia Arraiana នៅក្នុងទិវាគោជល់ នៅក្នុងក្រុង Lisbon ប្រទេសព័រទុយហ្គាល់ កាលពីថ្ងៃទី២៣ ខែកុម្ភៈ ឆ្នាំ២០១៩។
៧
មនុស្សម្នាដើរក្បួននៅក្នុងពិធីបុណ្យ European Bell Bearers Festival លើកទី៥ នៅក្នុងក្រុង Thessaloniki ប្រទេសក្រិក។
៨
នាង Glenn Close ដែលជាអ្នកសម្តែងអាមេរិកាំងទទួលពានរង្វាន់របស់នាងគឺពានរង្វាន់ Best Female Lead នៅក្នុងខ្សែភាពយន្ត The Wife នៅលើឆាកក្នុងក្រុង Santa Monica រដ្ឋ California កាលពីថ្ងៃទី២៣ ខែកុម្ភៈ ឆ្នាំ២០១៩។
៩
មនុស្សម្នាមើលការកម្ទេចអគារកម្ពស់៨ជាន់ ដែលស្ថិតនៅលើផ្លូវមួយក្នុងក្រុង Haikou ខេត្ត Hainan ប្រទេសចិន។
១០
មនុសម្នាពាក់ស្រោមមុខ និងសម្លៀកបំពាក់តាមរដូវកាលចូលរួមនៅក្នុងពិធីបុណ្យ Venice Carnival ក្នុងក្រុង Venice ប្រទេសអ៊ីតាលី កាលពីថ្ងៃទី២៣ ខែកុម្ភៈ ឆ្នាំ២០១៩។
១១
អ្នកជិះស្គី និងបង្ហោះខ្លែងក្នុងពេលតែមួយ ប្រកួតគ្នាដណ្តើមយកពានរង្វាន់ Siberian and Far Eastern Federal Districts នៅលើទន្លេ Yenisei ដែលកក នៅខាងក្រៅក្រុង Krasnoyarsk ប្រទេសរុស្ស៊ី កាលពីថ្ងៃទី២៣ ខែកុម្ភៈ ឆ្នាំ២០១៩។
១២
សិល្បករថតរូបមុនពេលសម្តែងនៅលើឆាកនៅក្នុងការសម្តែងមួយដែលមានឈ្មោះថា Toruk - The First Flight មហោស្រព Lyon Halle Tony Garner ប្រទេសបារាំង កាលពីថ្ងៃទី២៣ ខែកុម្ភៈ ឆ្នាំ២០១៩។
១៣
កីឡាករ Ziga Jelar មកពីប្រទេសស្លូវេនីលោត នៅក្នុងការប្រកួតជិះស្គីលោតបុរស HS130 ដើម្បីពានរង្វាន់ FIS Nordic World Ski Championships នៅក្នុងក្រុង Innsbruck ប្រទេសអូទ្រីស។
១៤
អ្នកបង្ហាញម៉ូដម្នាក់បង្ហាញម៉ូដ Dolce & Gabbana សម្រាប់ការតាំងពិព័រណ៍បង្ហាញម៉ូដសម្រាប់រដូវរងា/ស្លឹកឈើជ្រុះ ឆ្នាំ២០១៩/២០២០ នៅក្នុងក្រុង Milan ប្រទេសអ៊ីតាលី។