រូបភាពជុំវិញពិភពលោកថ្ងៃទី ១៣ កុម្ភៈ ២០១៧ មានមកពីប្រទេសដូចជារ៉ូម៉ានី ប៉ាគីស្ថាន អាល្លឺម៉ង់ ប្រេស៊ីល ជប៉ុន អង់គ្លេស អាមេរិក និងប៉ាឡេស្ទីន។
រូបភាពជុំវិញពិភពលោក១៣ កុម្ភៈ ២០១៧
១
កងប៉ូលិសម្នាក់ឈរយាមនៅទីតាំងដែលត្រូវបានបំផ្ទុះគ្រាប់បែកក្នុងទីក្រុង Lahore ប្រទេសប៉ាគីស្ថាន។ ក្រុមប៉ូលិសនិយាយថាគ្រាប់បែកធំមួយបានបំផ្ទុះចំក្រុមបាតុករ ហើយបានធ្វើឲ្យមនុស្សជាច្រើនបានស្លាប់និងរបួស។
២
ជនជាតិប៉ាឡេស្ទីនដើរកាត់ផ្លូវសើមបន្ទាប់ពីភ្លៀងមួយ ខណពេលព្រះអាទិត្យកំពុងលិចក្នុងជំរំជនភៀសខ្លួន Al-Shatee ទីក្រុងហ្គាហ្សា។
៣
នាង Adele កាច់ពានរង្វាន់ Grammy សម្រាប់បទចម្រៀងប្រចាំឆ្នាំ «Hello» នៅឯកម្មវិធីប្រគល់ពានរង្វាន់ Grammy ប្រចាំឆ្នាំលើកទី៥៩ ទីក្រុង Los Angeles រដ្ឋកាលីហ្វ័រញ៉ា កាលពីថ្ងៃទី១២ កុម្ភៈ ២០១៧។
៤
អ្នកនាង Beyonce សម្តែងក្នុងកម្មវិធីប្រគល់ពានរង្វាន់ Grammy ប្រចាំឆ្នាំលើកទី៥៩ ទីក្រុង Los Angeles រដ្ឋកាលីហ្វ័រញ៉ា កាលពីថ្ងៃទី១២ កុម្ភៈ ២០១៧។
៥
A tuktuk (motorized rickshaw) driver sits behind his broken windshield in his vehicle during clashes between anti-government protesters and security forces in the Iraqi capital Baghdad's Rasheed street near al-Ahrar bridge.
៦
ក្រុមសិល្បករភាពយន្ត «La La Land» កាន់ពានរង្វាន់របស់ខ្លួនសម្រាប់ខ្សែភាពយន្តល្អបំផុតក្នុងពិធីប្រគល់ពានរង្វាន់ខ្សែភាពយន្តអង់គ្លេស BAFTA នៅក្នុងសាល Royal Albert ទីក្រុងឡុងដ៏ កាលពីថ្ងៃទី១២ កុម្ភៈ ២០១៧។
៧
នារីម្នាក់ផឹកស្រាក្រឡុកដែលមានដាក់សត្វក្រឡាតនៅក្នុងបារមួយទីក្រុងតូក្យូ ជប៉ុនកាលពីថ្ងៃទី១២ កុម្ភៈ ២០១៧។
៨
ក្មេងៗកំពុងលេងជាមួយទឹកក្នុងសួនកម្សាន្ត Madureira ទីក្រុង Rio de Janeiro ប្រទេសប្រេស៊ីល កាលពីថ្ងៃទី១២ កុម្ភៈ ២០១៧។
៩
មនុស្សម្នាបានបើកភ្លើងពិលតាមទូរស័ព្ទរបស់ពួកគេ តាមរូបទង់ជាតិរបស់ប្រទេសរ៉ូម៉ានីក្នុងពេលបាតុកម្មប្រឆាំងនឹងរដ្ឋាភិបាលមួយក្នុងទីក្រុង Bucharest ប្រទេសរ៉ូម៉ានីកាលពីថ្ងៃទី១២ កុម្ភៈ ២០១៧។
១០
គូស្នេហ៍មួយគូទិញផ្កាដើម្បីអបអរទិវានៃក្តីស្រលាញ់ក្នុងទីក្រុង Islamabad ប្រទេសប៉ាគីស្ថាន។ ចៅក្រមបានហាមឃាត់ការប្រារព្វទិវានេះក្នុងរដ្ឋធានី ដោយនិយាយថាវាប្រឆាំងនឹងគោលការណ៏របស់សាសនាឥស្លាម។
១១
សត្វក្តាន់រត់កាត់វាលស្មៅក្បែរទីក្រុង Hirschling ភាគខាងត្បូងប្រទេសអាល្លឺម៉ង់។