កម្រងរូបភាពនៃព្រឹត្តិការណ៍សំខាន់ៗនិងទិដ្ឋភាពនានាពីប្រទេសផ្សេងៗនៅជុំវិញពិភពលោក។
រូបភាពជុំវិញពិភពលោក ០៧ កុម្ភៈ ២០១៩
១
ក្មេងៗជនជាតិស៊ីរីតម្រង់ជួររង់ចាំទទួលអាហារដែលចែករំលែកដោយក្រុមការងារសប្បុរសធម៌នៅជំរំជនភៀសខ្លួនបណ្ដោះអាសន្ន នៅជិតភូមិ Yazi Bagh ស្ថិតនៅចម្ងាយប្រមាណ៦គីឡូពីច្រទ្វារព្រំដែន Bab al-Salamah រវាងប្រទេសតួកគី និងប្រទេសស៊ីរី នៅខាងជើងទីក្រុង Aleppo។
២
ភ្លើងកំពុងឆាបឆេះនៅចំណុចប្រសព្វក្នុងទីក្រុង San Francisco។
៣
ក្រុមបាតុករបិទមុខដែលប្រឆាំងនឹងការចាកចេញរបស់ចក្រភពអង់គ្លេសកាន់បដានៅខាងក្រៅស្នាក់ការកណ្ដាលនៃសហភាពអឺរ៉ុប ក្នុងពេលមានកិច្ចប្រជុំរវាងប្រធានគណៈកម្មការអឺរ៉ុប លោក Jean-Claude Juncker និងនាយករដ្ឋមន្ត្រីអង់គ្លេសលោកស្រី Theresa May នៅទីក្រុងប្រ៊ុចសែល។
៤
តំណាងរាស្ត្រសហរដ្ឋអាមេរិក លោកស្រី Alexandria Ocasio-Cortez ជូតទឹកភ្នែក នៅខណៈដែលអ្នកតំណាងរាស្ត្រ Ilhan Omar និយាយអំពីបទពិសោធន៍ជាជនភៀសខ្លួន នៅក្នុងសន្និសីទសារព័ត៌មានមួយដែលអំពាវនាវឲ្យសភាកាត់មូលនិធិសម្រាប់ជនអន្តោប្រវេសន៍ និងការអនុវត្តច្បាប់ពន្ធគយ នៅអាគារសភា ក្នុងរដ្ឋធានីវ៉ាស៊ីនតោន។
៥
ក្រុមអ្នកជួយសង្គ្រោះសែងក្មេងស្រីម្នាក់នៅលើគ្រែស្នែងនៅកន្លែងដែលអាគារលំនៅដ្ឋានមួយបានបាក់ធ្លាក់ នៅស្រុក Kartal ទីក្រុងអ៊ីស្តង់ប៊ុល ប្រទេសតួកគី។
៦
អ្នកសិល្បៈពលរដ្ឋកំពុងសម្ដែងរបាំ Nuo នៅថ្ងៃទី២នៃពិធីបុណ្យចូលឆ្នាំចិន ឆ្នាំជ្រូក នៅភូមិមួយក្នុងស្រុក Wuyuan ខេត្ត Jiangxi ប្រទេសចិន។
៧
ទិដ្ឋភាពពីលើអាកាសទៅលើព្រៃ Vosges នៅតំបន់ Oderen ប្រទេសបារាំង។
៨
ក្រុមអ្នកពន្លត់អគ្គិភ័យកំពុងស្វែងរកជនរងគ្រោះនៅក្នុងឡានក្រុងខូចមួយ ដែលរងការបាក់សង្ក់តដោយការបាក់ដី ក្រោយពេលមានភ្លៀងខ្លាំងមួយមេ នៅក្នុងទីក្រុង Rio de Janeiro ប្រទេសប្រេស៊ីល។
៩
កាតមានឈ្មោះអ្នកសម្ដែង Cirque du Soleil ដាក់បង្ហាញសម្រាប់ភ្ញៀវក្នុងពេលត្រៀមពិធី «ពានរង្វាន់បណ្ឌិត្យសភាភាពយន្តអង់គ្លេស និងទូរទស្សន៍» នៅអាគារសម្ដែងល្ខោនអូប៉េរ៉ា នៅកណ្ដាលទីក្រុងឡុងដ៍ ប្រទេសអង់គ្លេស។
១០
ទិដ្ឋភាពរួមនៃស្ពាន Morandi ដែលបានបាក់នៅទីក្រុងកំពង់ផែក្រុង Genoa ប្រទេសអ៊ីតាលី។
១១
ក្រុមកីឡាការនីប្រទេសចិនប្រកួតកីឡាជិះស្គីអន្តរជាតិ Speedskating World Championships នៅទីក្រុង Inzell ប្រទេសអាល្លឺម៉ង់។