ខណៈ​ដែល​សហរដ្ឋ​អាមេរិក​កំពុង​តែ​កាន់ទុក្ខ​សព​ចៅក្រម​តុលាការ​កំពូល​អ្នកស្រី Ruth Bader Ginsburg ដែល​បាន​ស្លាប់​កាល​ពី​ថ្ងៃ​សុក្រ លោក​ប្រធានាធិបតី Donald Trump បាន​ប្ដេជ្ញា​ថា​នឹង​តែងតាំង​អ្នក​ជំនួស​តំណែង​អ្នកស្រី​ក្នុង​សប្ដាហ៍​នេះ។ ប្រធាន​ព្រឹទ្ធសភា​លោក Mitch McConnell ខាង​គណបក្ស​សាធារណរដ្ឋ បាន​និយាយ​ថា លោក​នឹង​បោះឆ្នោត​អនុម័ត​លើ​បេក្ខភាព​របស់​​អ្នក​ដែល​លោក​ប្រធានាធិបតី​តែងតាំង ប៉ុន្តែ​សមាជិក​គណបក្ស​ប្រជាធិបតេយ្យ​កំពុង​តែ​ជំទាស់​នឹង​រឿង​នេះ។ សមាជិក​ព្រឹទ្ធសភា​ខាង​គណបក្ស​សាធារណរដ្ឋ​ដ៏​សំខាន់​ពីរ​រូប​និយាយ​ថា ពួកគេ​នឹង​ជំទាស់​ឲ្យ​រង់ចាំ​ការ​តែងតាំង​ចៅក្រម​ថ្មី​រហូត​ដល់​ក្រោយ​ការ​បោះឆ្នោត​ប្រធានាធិបតី​នៅ​ខែ​វិច្ឆិកា​ខាង​មុខ​នេះ។ អ្វី​ដែល​ច្បាស់​ប្រាកដ​នោះ​គឺ​ថា គណបក្ស​នយោបាយ​ទាំងពីរ​ចាត់​ទុក​រឿង​នេះ​ថា​ជា​សមរភូមិ​គន្លឹះ​នៅ​មុន​ការ​បោះឆ្នោត​ដែល​នឹង​មក​ដល់​ក្នុង​ពេល ៦ សប្ដាហ៍​ទៀត​នេះ។ អ្នកស្រី Michelle Quinn នៃ VOA រាយការណ៍​លម្អិត​អំពី​រឿង​នេះ។ អ្នកស្រី ហុង ចិន្ដា ជូន​សេចក្ដី​ប្រែសម្រួល៕