រូបភាពជុំវិញពិភពលោកថ្ងៃទី០៨ ខែធ្នូ ឆ្នាំ២០១៩ មកពីប្រទេសបារាំង មីយ៉ាន់ម៉ា ន័រវែស ជប៉ុន អ៊ីតាលី ស៊ីរី អាល្លឺម៉ង់ សាធារណរដ្ឋឆែក និងថៃ។
រូបភាពជុំវិញពិភពលោក ០៨ ធ្នូ ២០១៩
១
សកម្មជន១០០នាក់កាន់រូបរបស់លោកប្រធានាធិបតីបារាំង Emmanuel Macron បញ្ច្រាស់ដើម្បីជំរុញឱ្យបារាំងចាត់វិធានការនៅក្នុងកិច្ចពិភាក្សាស្តីពីបរិស្ថាន U.N. COP 25 នៅក្នុងក្រុង Madrid ប្រទេសអេស្ប៉ាញ នៅក្នុងការប្រមូលផ្តុំមួយនៅទល់មុខប៉ម Eiffel Tower ក្នុងក្រុងបារីស។
២
អ្នកស្រី អង់សាន ស៊ូជី ទីប្រឹក្សារដ្ឋរបស់មីយ៉ាន់ម៉ាចាកចេញពីព្រលានយន្តហោះអន្តរជាតិណៃពិដោ ដើម្បីទៅបង្ហាញខ្លួននៅតុលាការព្រហ្មទណ្ឌអន្តរជាតិ នៅក្នុងទីក្រុងឡាអេ ប្រទេសហូឡង់ ដើម្បីការពារការចោទប្រកាន់មកលើប្រទេសរបស់អ្នកស្រីពីអំពើប្រល័យពូជសាសន៍ទៅលើជនជាតិភាគតិចរ៉ូហ៊ីងយ៉ាមូស្លីម។
៣
លោក Borge Ousland (រូបឆ្វេង) មកពីប្រទេសន័រវែស និងលោក Mike Horn ជនជាតិស្វ៊ីសដើមកំណើតអាមេរិកាំងថតរូប នៅពេលពួកគេទៅដល់កន្លែងជិះទូកបំបែកផ្ទាំងទឹកកក Lance នៅក្នុងដែនទឹករបស់ប្រទេសន័រវែសក្នុងមហាសមុទ្រអាកទិក បន្ទាប់ពីការជិះស្គីឆ្លងកាត់មហាសមុទ្រអាកទិក។
៤
សមាជិកគ្រួសារ និងក្រុមមន្ត្រីដាក់កម្រងផ្កានៅក្តារមឈូសរបស់លោកវេជ្ជបណ្ឌិតជប៉ុនឈ្មោះ Tetsu Nakamura នៅពេលសាកសពរបស់លោកត្រូវបានបញ្ជូនមកស្រុកកំណើតវិញ នៅព្រលានយន្តហោះអន្តរជាតិ Narita ក្នុងក្រុង Narita ប្រទេសជប៉ុន។
៥
កីឡាករអាមេរិកាំងនាង Madison Hubbell និងលោក Zachary Donohue សម្តែងនៅក្នុងកម្មវិធី របាំទឹកកក – របាំសេរី នៅក្នុងការប្រកួតវគ្គផ្តាច់ព្រ័ត្រនៃការប្រកួតជិះស្គីទឹកកក ISU Grand Prix សម្រាប់ឆ្នាំ២០១៩ នៅក្នុងក្រុង Turin ប្រទេសអ៊ីតាលី កាលពីថ្ងៃទី៧ ខែធ្នូ ឆ្នាំ២០១៩។
៦
រូបភាពដែលផ្តល់ឱ្យដោយមូលនិធិ Dhammakaya បង្ហាញពីការប្រគេនចង្ហាន់ដល់ព្រះសង្ឃ៣០.០០០អង្គ ដែលរៀបចំដោយរដ្ឋាភិបាលថ្នាក់តំបន់ Mandalay នៅព្រលានយន្តហោះ Chanmyatha ប្រទេសមីយ៉ាន់ម៉ា។
៧
មនុស្សម្នាចូលរួមការប្រណាំងចែវទូកដែលមានឈ្មោះថា Nautic Paddle Race នៅក្នុងទន្លេ Seine ក្នុងក្រុងប៉ារីស ប្រទេសបារាំង។ មនុស្សប្រមាណជា១.០០០នាក់ចូលរួមនៅក្នុងការប្រកួតដែលមានចម្ងាយ១១គ.ម.នេះ។
៨
សមាជិកនៃកងកម្លាំងការពារជនស៊ីវិលស៊ីរី ឬត្រូវបានគេស្គាល់ថា កងកម្លាំងមួកស ជួយសង្គ្រោះមនុស្សម្នាក់ចេញពីគំនរអគារបែកបាក់ បន្ទាប់ពីមានការវាយប្រហារតាមអាកាស នៅក្នុងភូមិ Balyun ក្នុងខេត្ត Idlib ប្រទេសស៊ីរី កាលពីថ្ងៃទី៧ ខែធ្នូ ឆ្នាំ២០១៩។
៩
អ្នកស្រី Claire Denis ប្រគល់ពានរង្វាន់អឺរ៉ុបសម្រាប់រោងភាពយន្តពិភពលោកទៅឱ្យអ្នកស្រី Juliette Binoche នៅក្នុងកម្មវិធីប្រគល់ពានរង្វាន់អឺរ៉ុបលើកទី៣២ នៅក្នុងក្រុងបែរឡាំង ប្រទេសអាល្លឺម៉ង់ កាលពីថ្ងៃទី៧ ខែធ្នូ ឆ្នាំ២០១៩។
១០
មនុស្សម្នាក់តុបតែងជាតួអង្គខ្មោចរត់នៅក្នុងការដង្ហែក្បួនប្រពៃណី St. Nicholas នៅក្នុងភូមិ Valasska Polanka សាធារណរដ្ឋឆែក កាលពីថ្ងៃទី៧ ខែធ្នូ ឆ្នាំ២០១៩។
១១
បាឡុងយក្សមួយដែលតំណាងសត្វក្នុងរឿងទេវកថាមួយត្រូវបានគេចងព្យួរនៅក្នុងកម្មវិធីបុណ្យណូអែលមួយដែលសម្តែងដោយក្រុមសម្តែងបារាំងឈ្មោះ Plasticiens Volants នៅក្នុងក្រុងបាងកក ប្រទេសថៃ។