កម្រងរូបភាពនៃព្រឹត្តិការណ៍សំខាន់ៗនិងទិដ្ឋភាពនានាមកពីប្រទេសផ្សេៗជុំវិញពិភពលោក។
រូបភាពជុំវិញពិភពលោក ២៧ ធ្នូ ២០១៨
១
ក្មេងប្រុសម្នាក់ទាញពុកមាត់អ្នកជួយសង្គ្រោះគ្រាមានអាសន្នជនជាតិរុស្ស៊ីដែលស្លៀកពាក់ជា Ded Moroz (Santa Claus) ក្រោយពេលគាត់បានឡើងលើជញ្ជាំងនៅមន្ទីរពេទ្យកុមារមួយក្នុងទីក្រុងមូស្គូ ប្រទេសរុស្ស៊ី។
២
ស្លឹកឈើដែលលរុំព័ទ្ធដោយទឹកកកធ្លាក់ចុះពីដើមឈើមួយក្នុងរដូវរងានៅក្រុង Uttenweiler-Aderzhofen ស្ថិតនៅភាគពាយ័ព្យនៃប្រទេសអាល្លឺម៉ង់។
៣
អ្នកគាំទ្រម្នាក់របស់គណបក្សសម្ព័ន្ធ Awami ប្រទេសបង់ក្លាដែសកាន់រូបថតនាយករដ្ឋមន្ត្រីបង់ក្លាដែស Sheikh Hasina ដ៏ធំមួយក្នុងពេលដង្ហែយុទ្ធនាការឃោសនាបោះឆ្នោតបង់ក្លាដែស។
៤
ជនស៊ីវិលស៊ីរីដើរកាត់តំបន់ដែលកាន់កាប់ដោយពួកឧទ្ទាមក្នុងខេត្ត Idlib ឆ្ពោះទៅតំបន់ដែលគ្រប់គ្រងដោយរដ្ឋាភិបាល ដោយឆ្លងកាត់ច្រក Abu Duhur។
៥
ប្រធានាធិបតីសហរដ្ឋអាមេរិក ដូណាល់ ត្រាំ និងស្ត្រីទី១ Melania Trump ស្វាគមន៍មន្ត្រីយោធានៅកន្លែងស្រស់ស្រូបអាហារក្នុងពេលលោកធ្វើដំណើរទស្សនកិច្ចទៅកាន់មូលដ្ឋានទ័ពអាកាស Al Asad ដោយមិនបានប្រកាសប្រាប់មុន នៅប្រទេសអីរ៉ាក់។
៦
ក្រុមបាតុកររត់គេចចេញពីការបាញ់ពីសំណាក់ទាហាន FARDC នៅខាងក្រៅការិយាល័យគណៈកម្មការបោះឆ្នោតក្នុងទីក្រុង Beni ក្នុងពេលពួកគេធ្វើបាតុកម្មប្រឆាំងនឹងពន្យារពេលនៃការបោះឆ្នោតនៅក្រុង Beni និងនៅទីក្រុង Butembo សាធារណរដ្ឋប្រជាធិបតេយ្យកុងហ្គោ។
៧
បុរសម្នាក់សម្ដែងកីឡាកាយសម្ព័ន្ធប្រពៃណីឥណ្ឌាឈ្មោះថាកីឡា Malkhamb ក្នុងព្រឹត្តិការណ៍ប្រកួតនៅសាកលវិទ្យាល័យមួយក្នុងទីក្រុង Mumbai ប្រទេសឥណ្ឌា។
៨
អ្នកភូមិដើរនៅលើគំនរសំរាមក្រោយពេលមានរលកយក្សសូណាមី នៅតំបន់ Labuan ក្នុងក្រុង Pandeglang ខេត្ត Banten ប្រទេសឥណ្ឌូនេស៊ី។
៩
មនុស្សកំពុងត្រៀមបង្ហោះគោមក្នុងពិធីបុណ្យគ្រីស្ទម៉ាស (ណូអែល) នៅក្រុង Volos ប្រទេសក្រិក។
១០
សត្វផែងគ្វីន (penguin) នៅកន្លែងដែលគេរក្សាទុកហើយគេទើបបើកសម្រាប់សត្វនេះ នៅសួនសត្វ bioparco ក្នុងទីក្រុងរ៉ូម ប្រទេសអីតាលី។