បណ្តុំរូបភាពនៃព្រឹត្តិការណ៍សំខាន់ៗ និងទិដ្ឋភាពនានាមកពីជុំវិញពិភពលោក។
រូបភាពជុំវិញពិភពលោក ២១ ធ្នូ ២០១៧
១
ក្រុមក្មេងកំព្រាលេងជាមួយសត្វខ្លាមកពីតំបន់ Bengal ក្នុងដំណើរកម្សាន្តបុណ្យណូអែល នៅសួនសត្វ Malabon ក្នុងទីក្រុង Malabon នៅខាងជើងទីក្រុងម៉ានីល ប្រទេសហ្វីលីពីន។
២
បុរសម្នាក់ពាក់មួករបស់តំបន់ Catalonia កំពុងថើបលើសន្លឹកឆ្នោតនៅពេលគាត់បោះឆ្នោតថ្នាក់តំបន់របស់តំបន់ Catalonia នៅក្នុងការិយាល័យបោះឆ្នោតមួយក្នុងទីក្រុង Barcelona។
៣
ក្មេងៗទើបនឹងកើតស្លៀកពាក់សម្លៀកបំពាក់របស់តា Santa និងដើមឈើបុណ្យណូអែល ដើម្បីអបអរថ្ងៃឈប់សម្រាក ហើយពួកគេកំពុងដេកនៅក្នុងមន្ទីរពេទ្យ Paolo ក្នុងទីក្រុងបាងកក ប្រទេសថៃ។
៤
ប៉ូលិសអូស្ត្រាលីឈរនៅជិតឡានដែលបានប៉ះទង្គិចគ្នាមួយ ក្រោយពេលពួកគេបានចាប់ខ្លួនអ្នកបើកបរឡាននេះ ដែលបានបើកបំបុកទៅលើផ្លូវសម្រាប់អ្នកថ្មើរជើង នៅឯផ្លូវបែកជាបួនដ៏មមាញឹកមួយ នៅជិតស្ថានីយ៍រថភ្លើង Flinders Street នៅកណ្ដាលទីក្រុង Melbourne ប្រទេសអូស្ត្រាលី។
៥
ប្រធានាធិបតីសហរដ្ឋលោក ដូណាល់ ត្រាំ កំពុងអបអរសាទរជាមួយអ្នកសាធារណរដ្ឋនៅរដ្ឋសភា បន្ទាប់ពីរដ្ឋសភាសហរដ្ឋអាមេរិកបានបោះឆ្នោតអនុម័តអំពីការសើរើប្រព័ន្ធពន្ធដារ នៅសេតវិមាន ក្នុងរដ្ឋធានីវ៉ាស៊ីនតោន។
៦
រូបថតមួយសន្លឹកក្នុងចំណោម២សន្លឹកអំពីការភ្ជាប់ពាក្យរបស់ព្រះអង្គម្ចាស់ Harry និងនាង Meghan Markle ដែលត្រូវបានបញ្ចេញដោយរាជវាំង Kensington នៅកេហដ្ឋាន Frogmore ក្នុងប្រទេសអង់គ្លេស។
៧
រូបថតបង្ហាញពីហ្វូងសត្វទៀវហើយប្រមូលផ្ដុំគ្នានៅពីលើទីវាលមួយនៅចំណុចជ្រលង Jordan Valley ជិតទីក្រុង Beit Shean របស់ប្រទេសអ៊ីស្រាអែល។
៨
បុរសឈ្មោះ Kel ដែលគ្មានផ្ទះសម្បែង កំពុងដេកនៅលើកន្លែងមួយនៅស្ថានីយ៍រទេះភ្លើងក្រោមដី Hyde Park Station ក្នុងទីក្រុងឡុងដ៍ ប្រទេសអង់គ្លេស។
៩
ស្ត្រីម្នាក់កាន់រូបថតរបស់លោក ស្តាលីន បានដាក់កម្រងផ្កានៅជិតទីសក្ការៈគោរពដល់លោក ចូសេហ្វ ស្តាលីន (Joseph Stalin) នៅជិតវិមានក្រឹមឡាំង ដើម្បីរំឭកដល់ថ្ងៃកំណើតរបស់ស្តាលីន នៅទីលានក្រហម ក្នុងទីក្រុងមូស្គូ ប្រទេសរុស្ស៊ី។
១០
ស្ត្រីជាកម្មការនីម្នាក់កំពុងធ្វើការនៅការដ្ឋានសំណង់មួយកន្លែងក្នុងពេលមានចុះអ័ព្ទយ៉ាងក្រាស់ នៅទីក្រុញូវដេលី ប្រទេសឲណ្ឌា។