លោកស្រី រាជ ផាវឿន៖ «តួនាទីចៅសង្កាត់សំខាន់ណាស់ដើម្បីជួយសម្រួលរាល់បញ្ហារបស់ពលរដ្ឋក្នុងមូលដ្ឋាន»
ការបម្រើសេវារបស់ចៅសង្កាត់ជូនដល់ប្រជាពលរដ្ឋក្នុងមូលដ្ឋាន បានកំពុងដើរតួនាទីយ៉ាងសំខាន់ក្នុងការទាក់ទាញសន្លឹកឆ្នោត តាំងពីការបោះឆ្នោតថ្នាក់មូលដ្ឋាន ដល់ការបោះឆ្នោតថ្នាក់ជាតិ។ មន្រ្តីជាន់ខ្ពស់របស់រដ្ឋាភិបាល និងក្រុមសង្គមស៊ីវិលក៏បានទទួលស្គាល់ផងដែរថា សកម្មភាពបម្រើសេវាជូនប្រជាពលរដ្ឋរបស់ក្រុមប្រឹក្សាឃុំសង្កាត់ ពិតជាមានឥទ្ធិពលខ្លាំងដល់ការបោះឆ្នោតថ្នាក់ជាតិ។ នៅក្នុងសង្កាត់ទួលសង្កែទី ១ ខណ្ឌឬស្សីកែវ ក្រុងភ្នំពេញ មាន ៦ ភូមិ មានប្រជាពលរដ្ឋ ជាង ៨០០០គ្រួសាររស់នៅ ហើយពួកគេភាគច្រើនប្រកបរបរជាកម្មករ អាជីវករ និងមន្ត្រីរាជការជាដើម ។ លោកស្រី រាជ ផាវឿន អាយុ ៧០ ឆ្នាំ បានឡើងកាន់តំណែងជាចៅសង្កាត់កាលពីដើមឆ្នាំ២០១៩។ លោកស្រី រាជ ផាវឿន បានប្រាប់អ្នកស្រី ធីតា វីន អ្នកយកព័ត៌មានឲ្យ VOA ថា តួនាទីចៅសង្កាត់មានសារៈសំខាន់ណាស់ក្នុងការជួយសម្រួលរាល់បញ្ហារបស់ប្រជាពលរដ្ឋក្នុងមូលដ្ឋាន៕