បទសម្ភាសន៍៖ លោក អំ សំអាត អំពាវនាវឱ្យដោះលែងលោក ម៉ិច ដារ៉ា
កាលពីចុងខែកញ្ញា សមត្ថកិច្ចបានចាប់ខ្លួន លោក ម៉ិច ដារ៉ាដែលត្រូវគេស្គាល់ថា អ្នកកាសែតមានភាពសកម្មក្នុងការរាយការណ៍ព័ត៌មានពាក់ព័ន្ធនឹងការជួញដូរមនុស្ស និងការឆបោកតាមប្រព័ន្ធអនឡាញ ឬ online scams និងធ្លាប់ឈ្នះពានរង្វាន់ពីក្រសួងការបរទេសសហរដ្ឋអាមេរិក ចំពោះភាពក្លាហាននៃការរាយការណ៍ព័ត៌មានអំពីប្រធានបទដ៏រសើបទាំងនោះ។ សាលាដំបូងរាជធានីភ្នំពេញបានចោទប្រកាន់លោក ម៉ិច ដារ៉ា ពីបទ «ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម»។ នាយកទទួលបន្ទុកកិច្ចការទូទៅនៃអង្គការការពារសិទ្ធិមនុស្សលីកាដូ លោក អំ សំអាត ទទូចឱ្យតុលាការដោះលែង លោក ម៉ិច ដារ៉ា។