រដ្ឋបាលលោកប្រធានាធិបតី Donald Trump កាលពីថ្ងៃអង្គារ បានសាទរកិច្ចចរចានៅប្រទេសអារ៉ាប៊ីសាអូឌីត ដែលរួមមានមន្ត្រីអាមេរិក និងរុស្ស៊ី ប៉ុន្តែមិនមានមន្ត្រីអ៊ុយក្រែនទេ។ សេតវិមានបាននិយាយថា នេះជាទំនាក់ទំនងការទូតទន្ទឹមគ្នា ដោយមាននិយាយដោយឡែកពីគ្នាជាមួយដៃគូសង្រ្គាមនោះ គឺជាជំហានដំបូងដ៏សំខាន់ក្នុងការបញ្ចប់ជម្លោះរយៈពេលបីឆ្នាំ ដែលបានធ្វើឱ្យអឺរ៉ុបរង្គោះរង្គើ។ អ្នកឆ្លើយឆ្លងព័ត៌មានរបស់ VOA ប្រចាំសេតវិមានអ្នកស្រី Anita Powell រាយការណ៍ពីរដ្ឋធានីវ៉ាស៊ីនតោន។ លោក ពិន ស៊ីសុវណ្ណ ជូនសេចក្តីប្រែសម្រួល៕