ថ្ងៃទី២០ ខែមករា ឆ្នាំ២០២៥ ជាថ្ងៃដែលលោក ដូណាល់ ត្រាំ ស្បថចូលកាន់តំណែងជាប្រធានាធិបតីសហរដ្ឋអាមេរិកជាលើកទី២ បន្ទាប់ពីលោកបានកាន់តំណែងប្រធានាធិបតីលើកទី១ ក្នុងឆ្នាំ២០១៦។ អ្នកតាមដានភូមិសាស្ត្រនយោបាយយល់ថា កម្ពុជានឹងរងហានិភ័យកាន់តែខ្លាំងលើផ្នែកសេដ្ឋកិច្ច និងវិនិយោគ ប្រសិនបើកម្ពុជាបន្តងាកទៅស្និទ្ធនឹងប្រទេសចិន ក្នុងអាណត្តិទី២នៃការដឹកនាំរបស់លោក ដូណាល់ ត្រាំ។ អ្នកនាង កាន់ វិច្ឆិកា សម្ភាសន៍ លោក សេង វណ្ណលី អ្នកតាមដានភូមិសាស្ត្រនយោបាយ និងជានាយកកម្មវិធីតស៊ូមតិរបស់អង្គការប្រជាធិបតេយ្យខ្មែរ (KDO) ដូចតទៅ៖