ប្រធានាធិបតីអាមេរិកលោក Joe Biden កាលពីថ្ងៃទី៦ ខែកុម្ភៈ បានអំពាវនាវដល់សមាជិកសភាអាមេរិកឱ្យគាំទ្រកិច្ចព្រមព្រៀងដែលមានទឹកប្រាក់ ១១៨ ពាន់លានដុល្លារ របស់បក្សទាំងពីរនៃព្រឹទ្ធសភាអាមេរិក ស្តីពីសន្តិសុខព្រំដែនដែលនឹងផ្តល់ជំនួយផងដែរដល់ប្រទេសអ៊ីស្រាអែលនិងអ៊ុយក្រែន។ ប៉ុន្តែសមាជិកសភាបក្សសាធារណរដ្ឋកាន់តែច្រើនឡើងនិយាយថា គេគ្រោងមិនគាំទ្រកិច្ចព្រមព្រៀងនោះឡើយ។ អ្នកស្រី Katherine Gypson អ្នកឆ្លើយឆ្លងព័ត៌មានសភានៃវីអូអេ រាយការណ៍លម្អិតពីវិមានសភាអាមេរិក។ លោក ជ្រា វណ្ណារិទ្ធ ជូនសេចក្តីប្រែសម្រួល៕