សហរដ្ឋ​អាមេរិក​ប្រឈម​ការ​កើន​ឡើង​នូវ​ការ​គំរាម​កំហែង​ពី​ពួក​ជ្រុល​និយម​ហិង្សា​ក្នុង​ប្រទេស។ នេះ​បើ​តាម​ការ​ចេញ​ផ្សាយ​កាល​ពី​សប្ដាហ៍​មុនដោយ​រដ្ឋបាល​លោក Joe Biden។ ការព្រមាន​បែបនេះ​កើត​មាន​ឡើង​នៅ​ពេល​ដែល​សមាជិក​សភា​សហរដ្ឋ​អាមេរិក បន្ត​ស៊ើបអង្កេត​ការ​វាយ​ប្រហារ​លើ​វិមាន​សភា​សហរដ្ឋ​អាមេរិក​កាលពី​ថ្ងៃ​ទី៦ ខែ​មករា​ ដោយ​ក្រុម​អ្នក​គាំទ្រ​លោក​អតីត​ប្រធានាធិបតី Donald Trump ដែល​ព្យាយាម​រារាំង​ការ​រាប់​សន្លឹកឆ្នោត​របស់​អង្គបោះឆ្នោត​ដែល​បញ្ជាក់​ថា លោក Biden ជា​អ្នកឈ្នះ​ក្នុង​ការបោះឆ្នោត​ប្រធានាធិបតី​នោះ។ អ្នក​ស្រី Katherine Gypson អ្នក​ឆ្លើយឆ្លង​ព័ត៌មាន​របស់ VOA ប្រចាំ​រដ្ឋសភា​រាយការណ៍​អំពី​រឿង​នេះ។ លោក​​ ជឹង ប៉ូជីន ប្រែសម្រួល៕