កម្រងរូបភាពល្អៗអំពីហេតុការណ៍និងទិដ្ឋភាពក្នុងប្រទេសនានានៅជុំវិញពិភពលោក។
រូបភាពជុំវិញពិភពលោក ៣០ សីហា ២០១៩
១
គន្លងយន្តហោះត្រូវបានថតនៅពេលផ្ទៃមេឃស្រឡះ នៅទីក្រុង Caen ប្រទេសបារាំង។
២
រូបចម្លាក់ធ្វើពីឈើដែលតំណាងឲ្យលោកប្រធានាធិបតីសហរដ្ឋអាមេរិក ដូណាល់ ត្រាំ ត្រូវបានគេបង្កើតឡើងនៅជិតទីក្រុង Kamnik ប្រទេសស្លូវេនី។
៣
ក្មេងៗសិស្សសាលាលេងជាមួយសត្វឆ្មាមួយក្បាលឈ្មោះ Larry នៅលើដងផ្លូវ Downing ក្នុងទីក្រុងឡុងដ៍ ចក្រភពអង់គ្លេស។
៤
ក្រុមអ្នកជិះកង់បានប្រមូលកង់របស់ពួកគេដាក់គរលើគ្នា បន្ទាប់ពីបានជិះកង់រួមគ្នាក្នុងចំនួនច្រើននាក់ នៅទីក្រុង Almaty ប្រទេសកាហ្សាក់ស្ថាន។
៥
ថ្ងៃលិចនៅខាងក្រោយវិហារឥស្លាម និងទិដ្ឋភាពកន្លែងបាញ់ទឹក Jiddah នៅទីក្រុង Jiddah ប្រទេសអារ៉ាប៊ីសាអូឌីត។
៦
សាច់ញាតិនៃអ្នកដែលបាត់ខ្លួនធ្វើបាតុកម្មនៅមុខវិមានជាតិ ក្នុងរដ្ឋធានីម៉ិកស៊ីកូ ប្រទេសម៉ិកស៊ិក។ ក្រុមបាតុករបានបង្ហាញញត្តិទាមទារឲ្យស្វែងរកអ្នកដែលបាត់ខ្លួនឲ្យឃើញ ហើយត្រូវកំណត់អត្តសញ្ញាណរបស់ពួកគេផង។
៧
ជនជាតិនេប៉ាល់ដែលគោរពសាសនាតឹងរ៉ឹង កំពុងរៀបចំសម្លៀកបំពាក់របស់ខ្លួនមុនពេលសម្ដែងពិធីសាសនា ក្នុងពិធីបុណ្យអំណរគុណឪពុក នៅទីក្រុងកដ្ឋមណ្ឌូ ប្រទេសនេប៉ាល់។
៨
លោក Dan Whitby នៃក្រុមម៉ូតូហោះ Bolddog Lings FMX Display Team សម្ដែងនៅកន្លែងប្រណាំងម៉ូតូនៅថ្ងៃដំបូងនៃការតាំងបង្ហាញ Chatsworth Country Fair នៅក្នុងទីធ្លានៃអាគារ Chatsworth House នៅជិតក្រុង Bakewell ក្នុងភាគឦសាននៃប្រទេសអង់គ្លេស។
៩
ស្ត្រីកំពុងទូលបាវនៅលើក្បាល ដើរកាត់តូបលក់អាវយឺតដែលមានរូបសម្ដេចប៉ាប Francis មុនពេលសម្ដេចប៉ាបធ្វើទស្សនកិច្ចនៅចុងសប្ដាហ៍ក្រោយ ទៅកាន់ប្រទេស ម៉ាដាហ្គាស្កា។
១០
ម៉ូតូមួយគ្រឿងកំពុងបើកនៅចន្លោះដើម Baobab នៅតាមបណ្ដោយផ្លូវដែលមានដាំដើម Baobab នៅជិតទីក្រុង Morondava ប្រទេសម៉ាដាហ្គាស្កា។