រូបភាពជុំវិញពិភពលោកថ្ងៃទី២៥ ខែសីហា ឆ្នាំ២០១៩ មកពីសហរដ្ឋអាមេរិក ប្រទេសស្រីលង្កា ហុងកុង ស្វ៊ីស ប្រេស៊ីល រូម៉ានី ឥណ្ឌា បារាំង ប៊ែលហ្ស៊ិក ម៉ាឡេស៊ី រុស្ស៊ី អាល្លឺម៉ង់ និងម៉ិកស៊ិក។
រូបភាពជុំវិញពិភពលោក ២៥ សីហា ២០១៩
១
បាតុករប្រឆាំងនឹងច្បាប់បត្យាប័នម្នាក់គប់ស្រា Molotov នៅពេលក្រុមបាតុករប៉ះទង្គិចជាមួយនឹងប៉ូលិសកុបកម្ម នៅក្នុងពេលប្រមូលផ្តុំមួយដើម្បីទាមទារឲ្យមានប្រជាធិបតេយ្យ និងកំណែទម្រង់នយោបាយ នៅក្នុងក្រុង Tsuen Wan ក្នុងដែនដីហុងកុង។
២
កម្មករម្នាក់សម្អាតជញ្ជាំង Jaffna Fort ដែលធ្វើឡើងដោយជនជាតិប័រទុយហ្គាល់ក្នុងឆ្នាំ១៦១៨ នៅក្នុងក្រុង Jaffna ប្រទេសស្រីលង្កា។
៣
លោក Martin Jakober គប់ដុំថ្ម Unspunnen ដែលមានទម្ងន់៨៣,៥គីឡូក្រាម នៅក្នុងកម្មវិធីកីឡាកាស ESAF-Federal Alpine Wrestling Festival ក្នុងក្រុង Zug ប្រទេសស្វ៊ីស។
៤
នេះជាទិដ្ឋភាពពីលើអាកាសនៃតំបន់ឆេះព្រៃអាម៉ាហ្សូន នៅក្បែរក្រុង Porto Velho រដ្ឋ Rondonia ប្រទេសប្រេស៊ីល កាលពីថ្ងៃទី២៤ ខែសីហា ឆ្នាំ២០១៩។
៥
មានការបង្ហាញឈុតឆាកជាមួយនឹងភ្លើងមួយនៅក្នុងកម្មវិធីតាំងពិព័រណ៍អាកាសអន្តរជាតិ នៅក្នុងក្រុង Bucharest ប្រទេសរូម៉ានី កាលពីថ្ងៃទី២៤ ខែសីហា ឆ្នាំ២០១៩។
៦
អ្នកជឿសាសនាហិណ្ឌូបង្កើតជាកំផែងមនុស្សមួយ ដោយឡើងជាន់លើគ្នា នៅក្នុងពិធីបុណ្យ Janmashtami ដែលជាការប្រារព្ធថ្ងៃប្រសូត្ររបស់ព្រះ Krishna ក្នុងក្រុង Mumbai ប្រទេសឥណ្ឌា កាលពីថ្ងៃទី២៤ ខែសីហា ឆ្នាំ២០១៩។
៧
លោក Yago Dora មកពីប្រេស៊ីលប្រកួតជិះក្តារលើទឹកនៅក្នុងថ្ងៃទី១ នៃការប្រកួត Tahiti Pro ២០១៩ នៅក្នុងភូមិ Teahupoo កោះ Tahiti ប្រទេសបារាំង កាលពីថ្ងៃទី២៤ ខែសីហា ឆ្នាំ២០១៩។
៨
បុរសម្នាក់ដែលតុបតែងមុខមាត់ ចូលរួមក្នុងការដើរក្បួនមួយដែលមានឈ្មោះថា Ducasse នៅក្នុងក្រុង Ath ប្រទេសប៊ែលហ្ស៊ិក។
៩
អ្នកទេសចរណ៍ម្នាក់ឈរនៅមុខព្រះចន្ទសិប្បនិម្មិត ដែលគេដំឡើងនៅមុនពេលប្រារព្ធពិធីបុណ្យសែនលោកខែ នៅតំបន់ China Town ក្នុងក្រុងគូឡាឡាំពួ ប្រទេសម៉ាឡេស៊ី កាលពីថ្ងៃទី២៤ ខែសីហា ឆ្នាំ២០១៩។
១០
អ្នកជឿសាសនាហិណ្ឌូម្នាក់បំបែកក្អមមួយនៅក្នុងពិធីបុណ្យ Janmashtami ដែលជាការប្រារព្ធថ្ងៃប្រសូត្ររបស់ព្រះ Krishna ក្នុងក្រុង Mumbai ប្រទេសឥណ្ឌា កាលពីថ្ងៃទី២៤ ខែសីហា ឆ្នាំ២០១៩។
១១
អ្នកលើកទឹកចិត្តរបស់ក្រុម Dallas Cowboys សម្តែងនៅមុនពេលប្រកួតជាមួយនឹងក្រុម Houston Texans នៅស្តាត AT&T ក្នុងក្រុង Arlington រដ្ឋ Texas កាលពីថ្ងៃទី២៤ ខែសីហា ឆ្នាំ២០១៩។
១២
មនុស្សម្នាមុជទឹកភក់នៅក្នុងពិធីបុណ្យ Iron Mud នៅក្នុងក្រុង Zheleznovodsk តំបន់ Stavropol ប្រទេសរុស្ស៊ី កាលពីថ្ងៃទី២៤ ខែសីហា ឆ្នាំ២០១៩។
១៣
អ្នកគាំទ្ររបស់អ្នកចម្រៀង Techno រាំនៅក្នុងកម្មវិធី New Horizons នៅក្នុងការតាំងពិព័រណ៍កាំជ្រួចមួយ កាលពីថ្ងៃទី២៤ ខែសីហា ឆ្នាំ២០១៩ ក្នុងក្រុង Nurburg ប្រទេសអាល្លឺម៉ង់។
១៤
នេះជាទិដ្ឋភាពពីលើអាកាសនៃការរាំរបស់គូស្នេហ៍ ជាមួយនឹងតន្ត្រីប្រពៃណី Mariachi ដើម្បីបំបែកកំណត់ត្រាពិភពលោកនៃការរាំបែបម៉ិកស៊ិកជាក្រុមដ៏ធំបំផុត នៅក្នុងក្រុង Guadalajara រដ្ឋ Jalisco ប្រទេសម៉ិកស៊ិក កាលពីថ្ងៃទី២៤ ខែសីហា ឆ្នាំ២០១៩។