កម្រងរូបភាពគួរឲ្យចាប់អាម្មណ៍អំពីហេតុការណ៍ថ្មីៗ និង ទិដ្ឋភាពក្នុងប្រទេសនានាជុំវិញពិភពលោក ចាប់ពីប្រទេសសហរដ្ឋអាមេរិក ដល់ប្រទេសអេស្ប៉ាញ។
រូបភាពជុំវិញពិភពលោក ១៩ សីហា ២០២០
១
លោក Matt Nichols ព្យាយាមសង្គ្រោះផ្ទះរបស់គាត់នៅពេលដែលអគ្គិភ័យដែលកំពុងឆេះនៅ LNU Lightning Complex បានឆាបឆេះក្រុង Vacaville រដ្ឋកាលីហ្វ័រញ៉ា សហរដ្ឋអាមេរិក។
២
បុរសម្នាក់រៀបចំស៊ុតដើម្បីដឹកជូនអតិថិជន នៅទីក្រុងមុំបៃ (Mumbai) ប្រទេសឥណ្ឌា។
៣
សិស្សនិស្សិតកំពុងប្រឡងចូលរៀនសាកលវិទ្យាល័យស្វ័យតជាតិប្រទេសម៉ិកស៊ីកូ (National Autonomous University) ដែលការរប្រឡងនេះប្រព្រឹត្តឡើងនៅសាកលវិទ្យាល័យកីឡដ្ឋានអូឡាំពិក ក្នុងរដ្ឋធានីម៉ិកស៊ីកូ នៅខណៈពេលដែលការរាតត្បាតសាកលនៃវីរុសកូរ៉ូណា នៅតែបន្ត។
៤
លោក Joe Biden បេក្ខជនប្រធានាធិបតីពីគណបក្សប្រជាធិបតេយ្យ នៅក្នុងវីដេអូមួយថតនៅរដ្ឋ Delaware ជាមួយនិងភរិយារបស់លោក អ្នកស្រី Jill Biden និងចៅៗ ដែលចាក់ផ្សាយក្នុងពេលធ្វើសន្និបាតថ្នាក់ជាតិរបស់គណបក្សប្រជាធិបតេយ្យ នៅទីក្រុង Milwaukee រដ្ឋ Wisconsin សហរដ្ឋអាមេរិក។
៥
សេះមួយក្បាលកំពុងរត់នៅក្បែរតូបលក់អីវ៉ាន់មួយ នៅពេលដែលអណ្ដាតភ្លើងចេញពីអគ្គិភ័យនៅ Hennessey កំពុតខិតជិតទៅដល់ទីតាំងអចលនទ្រព្យ នៅតំបន់ Napa ក្នុងសហគមន៍ Spanish Flat រដ្ឋកាលីហ្វ័រញ៉ា សហរដ្ឋអាមេរិក កាលពីថ្ងៃទី១៨ សីហា ២០២០។ អគ្គិភ័យរាប់សិបកន្លែងបានកើតឡើងដែលមិនអាចគ្រប់គ្រងបាន នៅភាគខាងជើងនៃរដ្ឋកាលីហ្វ័រញ៉ា នៅខណៈពេលដែលធនធានសម្រាប់ពន្លត់អគ្គិភ័យកំពុងតែខ្សត់ខ្សោយទៅៗ។
៦
ទិដ្ឋភាពពីលើអាកាសបង្ហាញពីទីផ្សារលក់ទូកឈើតាមបែបប្រពៃណី នៅទីក្រុង Manikganj ប្រទេសបង់ក្លាដែស។
៧
សត្វសេះជាច្រើនកំពុងឈរនៅក្នុងក្រោល នៅមុនពេលថ្ងៃលិច នៅក្រុង Wehrheim ក្បែរទីក្រុង Frankfurt ប្រទេសអាល្លឺម៉ង់។
៨
បាល់ចេញក្រៅដែលវាយដោយកីឡាករ Freddie Freeman នៃក្រុម Atlanta Braves បានហោះទៅកាន់រូបឆ្កែ នៅខាងឆ្វេងនៃតារាងប្រកួត ខណៈពេលដែលខ្សែការពារ Juan Soto នៃក្រុម Washington Nationals បានលោតទៅប៉ះនឹងជញ្ជាំងពេលព្យាយាមលេងនៅក្នុងការប្រកួតទឹកទី ៨ នៃកីឡាវាយកូនបាល់ (baseball) នៅទីក្រុងអាត្លង់តា រដ្ឋ Georgia សហរដ្ឋអាមេរិក កាលពីថ្ងៃទី១៨ សីហា ២០២០។
៩
មនុស្សម្នាកំពុងឆ្លងកាត់ផ្លូវរថភ្លើង Viaduc des Fades នៅពេលពួកគេជិះឡូរី (vélorail) នៅលើផ្លូវរថភ្លើងចាស់ ក្នុងឃុំ Les Ancizes-Comps នៅភាគកណ្ដាលនៃប្រទេសបារាំង កាលពីថ្ងៃទី១៨ សីហា ២០២០។
១០
ខ្លាំឃ្មុំទឹកកកកំពុងសម្អាតខ្លួននៅក្នុងទឹក ក្នុងពេលថ្ងៃក្ដៅនៅរដូវក្ដៅ ក្នុងសួនសត្វមួយនៅក្រុង Gelsenkirchen ប្រទេសអាល្លឺម៉ង់។
១១
ក្រុមអ្នកងូតទឹកកំពុងសម្រាកនៅក្រោមឆ័ត្រនៅឯឆ្នេរសមុទ្រភាគនិរតីនៃកោះ Gran Canaria ប្រទេសអេស្ប៉ាញ៕