កម្រងរូបភាពល្អៗគួរឲ្យចាប់អារម្មណ៍នៃហេតុការណ៍និងទិដ្ឋភាពក្នុងប្រទេសនានានៅជុំវិញពិភពលោក។
រូបភាពជុំវិញពិភពលោក ២៥ មេសា ២០១៩
១
ស្ត្រីចំណាស់ម្នាក់ដើរទៅកាន់ផ្នូររបស់សាច់ញាតិរបស់ខ្លួននៅពេលព្រលប់ នៅទីក្រុង Copaciu ប្រទេសរូម៉ានី។
២
សង្ឃនៃសាសនា Samaritan លើកសៀវភៅឡើងលើ នៅពេលអ្នកគោរពសាសនានេះបួងសួងនៅក្នុងពិធី Passover នៅលើកំពូលភ្នំ Gerizim នៅជិតទីក្រុង Nablus នៃតំបន់ West Bank។
៣
នាង Catherine និងព្រះអង្គម្ចាស់ Harry ចូលរួមក្នុងកម្មវិធី ANZAC Dawn Service ដែលគោរពដល់អ្នកដែលបានពលីក្នុងសង្គ្រាម ដែលត្រូវបានរៀបចំនៅវិហារគ្រិស្តសាសនា Westminster Abbey ក្នុងទីក្រុងឡុងដ៍។
៤
កីឡាការនី Naomi Osaka របស់ប្រទេសជប៉ុនវាយកូនបាល់ទៅកាន់នាង Su-Wei Hsieh មកពីកោះតៃវ៉ាន់ ក្នុងការប្រកួតទឹកទី១៦ នៃការប្រកួតវាយតិន្នីស WTA Tennis Grand Prix នៅទីក្រុង Stuttgart ប្រទេសអាល្លឺម៉ង់។
៥
សិស្សសាលាម្នាក់ដើរនៅជិតរូបភាពដែលគូរដោយជនជាតិប៉ាឡេស្ទីនលោក Ali al-Jabali នៅអាគារបាក់បែកដែលសល់ពីការវាយប្រហារតាមអាកាសរបស់អ៊ីស្រាអែល នៅទីក្រុង Gaza។
៦
បាតុករជនជាតិស៊ូដង់កំពុងគ្រវីទង់ជាតិក្នុងការធ្វើបាតុកម្មមួយឈ្មោះថា «ខ្លាំងមួយលានដង» នៅខាងក្រៅបញ្ជាការដ្ឋានកងទ័ព ក្នុងរដ្ឋធានីខាទុំ។
៧
កម្មករឥណ្ឌាកំពុងមើលការហែក្បួនឃោសនាបោះឆ្នោតរបស់គណបក្សសមាជ នៅទីក្រុងមុំបៃ (Mumbai)។
៨
មនុស្សកំពុងមើលអ្នកសម្ដែងម្នាក់របស់ក្រុមហ៊ុនសម្ដែងល្ខោននៅតាមដងផ្លូវនៅប្រទេសបារាំង Royal de Luxe ដែលគេហៅម្យ៉ាងទៀតថា Monsieur Bourgogne នៅពេលគាត់អង្គុយនៅក្នុងតង់ នៅខាងមុខអាគារមួយនៅស្រុក Bellevue ក្នុងក្រុង Saint-Herblain នៅជិតទីក្រុង Nantes ប្រទេសបារាំង។
៩
ក្មេងស្រីម្នាក់បដិសេធមិនទទួលយកការចាក់វ៉ាក់ស៊ាំងការពារជំងឺអាសន្នរោគ ក្នុងយុទ្ធនាការចាក់វ៉ាក់ស៊ាំងការពារតាមផ្ទះ នៅទីក្រុងសាណា ប្រទេសយេម៉ែន។
១០
នាយករដ្ឋមន្ត្រីកាណាដា លោក Justin Trudeau កំពុងជួយរៀបចំបាវខ្សាច់នៅជិតតំបន់ដែលប៉ះពាល់ដោយទឹកជំនន់ នៅទីក្រុង Gatineau ក្បែរទីក្រុង Quebec ប្រទេសកាណាដា។
១១
ក្រុមជនទេសន្តរប្រវេសន៍នៅឯទីភ្នាក់ងារប្រឆាំងជនអន្តោប្រវេសន៍ខុសច្បាប់ នៅជម្ឈមណ្ឌលសំចត Tajora ក្នុងទីក្រុងទ្រីប៉ូលី ប្រទេសលីប៊ី។
១២
រូបចម្លាក់សត្វឆ្មា ដែលគេដាក់ឈ្មោះជាភាសាជប៉ុនថា maneki neko ដែលមានន័យថា ឆ្មាគួរឲ្យចាប់អារម្មណ៍ នៅក្នុងវត្ត Gotokuji ក្នុងតំបន់ Setagaya Ward នៃទីក្រុងតូក្យូ។
១៣
ស្ត្រីម្នាក់មកពីអាមេរិកកណ្ដាលកំពុងងូតទឹកឲ្យក្មេងនៅឯ«ផ្ទះសម្រាប់ជនភៀសខ្លួន» ដែលជាកន្លែងផ្ដល់ការស្នាក់អាស្រ័យរយៈពេលខ្លីដល់ជនទេសន្តរប្រវេសន៍ ដែលត្រូវបានដោះលែងដោយអាជ្ញាធរអនុវត្តច្បាប់អន្តោប្រវេសន៍និងគយរបស់សហរដ្ឋអាមេរិក និងភ្នាក់ងារការពារព្រំដែនអាមេរិក ដោយសារតែកន្លែងដាក់ពួកគេមានភាពចង្អៀតណែនខ្លាំង នៅក្រុង El Paso រដ្ឋតិចសាស សហរដ្ឋអាមេរិក។
១៤
ស្ត្រីជនជាតិដើមមកពីអំបូរជនជាតិភាគតិចតំបន់ភ្នំ Kayapo កំពុងលាងសម្អាតមុខរបស់នាងនៅជិតធុងទឹកនៅជំរំ Terra Livre ឬមានន័យថាជំរំ«ដីសេរីភាព» ក្នុងពេលធ្វើការតវ៉ាងដើម្បីការពារដីរបស់ជនជាតិដើមភាគតិច និងសិទ្ធិវប្បធម៌ ដែលពួកគេអះអាងថាត្រូវបានគំរាមកំហែងដោយចលនាស្ដាំនិយមរបស់រដ្ឋាភិបាលប្រេស៊ីល របស់ប្រធានាធិបតី Jair Bolsonaro នៅទីក្រុងប្រាស៊ីលីយ៉ា ប្រទេសប្រេស៊ីល។