រូបភាពជុំវិញពិភពលោក ០១ មេសា ២០១៩ មកពីប្រទេសជប៉ុនសាធារណរដ្ឋឆេក ឥណ្ឌា ហ្វាំងឡង់ បារ៉ែន អាល្លឺម៉ង់ កូរ៉េខាងត្បូង និងរុស្ស៊ី។
រូបភាពជុំវិញពិភពលោក ០១ មេសា ២០១៩
- VOA English
១
សិល្បករដើរលើខ្សែពួរនៅខាងមុខវិហារ Emmaus Monastery នៅក្រុងប្រាក សាធារណរដ្ឋឆេក។
២
ភេសមុទ្រឈ្មោះថា «Leo» សរសេរអក្សរជប៉ុននៅរមណីយដ្ឋាន Hakkeijima Sea Paradise ក្នុងក្រុង Yokohama ប្រទេសជប៉ុន។
៣
ឈ្លូសទឹកកកអូសកីឡាករប្រណាំងអំឡុងពេលការប្រណាំងប្រជែងលើទឹកកករយៈចម្ងាយ ១គីឡូម៉ែត្រក្នុងការប្រកួតពានរង្វាន់ BRP Poro Cup នៅក្រុង Inari ភាគខាងជើងហ្វាំងឡង់ កាលពីថ្ងៃទី៣១ ខែមីនា ឆ្នាំ២០១៩។
៤
កុមារីជនជាតិក្វាតេម៉ាឡាម្នាក់ឳបពីក្រោយបងប្រុសរបស់ខ្លួន ខណៈពេលពួកគេដើរកាត់ចម្ការមួយក្រោយពីឆ្លងទន្លេ Rio Grande ដោយខុសច្បាប់ ដើម្បីចូលទៅសហរដ្ឋអាមេរិកពីប្រទេសម៉ិចស៊ិកនៅក្រុង Penitas រដ្ឋ Texas កាលពីថ្ងៃទី៣១ ខែមីនា ឆ្នាំ២០១៩។
៥
បុគ្គលម្នាក់កំពុងពិនិត្យកម្ទេចកម្ទីនៃយន្តហោះធុនតូចមួយនៅក្នុងចម្ការមួយនៅភូមិ Erzhausen ជិតក្រុង Frankfurt ប្រទេសអាល្លឺម៉ង់។
៦
មន្រ្តីយោធាចិនពិនិត្យមើលគ្រោងឆ្អឹងនៃសពទាហានចិនដែលច្បាំងនៅសម័យសង្រ្គាមកូរ៉េ អំឡុងពេលពិធីបុណ្យមួយនៅក្រុង Incheon ប្រទេសកូរ៉េខាងត្បូង។
៧
លោក Alexei Vlasov អ្នកបង្វឹកសត្វស្ទាំងកាន់សត្វស្ទាំងឈ្មោះ Alpha ដែលមានអាយុ ២០ឆ្នាំ អំឡុងពេលយាមល្បាតវិមានក្រឹមឡាំង នៅក្រុងមូស្គូ ប្រទេសរុស្ស៊ី។
៨
កីឡាករប្រណាំងរថយន្ត Sebastian Vettel នៃក្រុមហ៊ុនរថយន្ត Ferrari បើករថយន្តដែលកំពុងរងការខូចខាតអំឡូងពេលការប្រកួតប្រណាំងរថយន្ត Formula One Bahrain Grand Prix នៅក្រុងម៉ាណាម៉ា ប្រទេសបារ៉ែន កាលពីថ្ងៃទី៣១ ខែមីនា ឆ្នាំ២០១៩។
៩
ជនវ័យក្មេងនៅសហគមន៍San Nicolas de los Ranchos ចូលរួមក្នុងពិធីបុណ្យគូររូបនិងពាក់មុខរាំកម្សាន្ត «Xinacates» នៅក្រុង Puebla ប្រទេសម៉ិចស៊ិកកាលពីថ្ងៃទី៣១ ខែមីនា ឆ្នាំ២០១៩។
១០
ពលរដ្ឋនៅក្រុង Jorhat ចូលរួមបោះឆ្នោតដោយប្រើម៉ាស៊ីនអេឡិចត្រូនិចអំឡុងពេលហាត់សមមុនពេលការបោះឆ្នោតជាតិនៅឥណ្ឌា។