ខណៈពេលដែលយុវជនជាច្រើនបានយកថ្ងៃទី១៤ ខែកុម្ភៈ មកបង្ហាញពីក្តីស្រឡាញ់ ដែលជារឿយៗត្រូវបានយុវវ័យហៅថាបុណ្យនៃក្តីស្រឡាញ់នោះ ស្ថាប័នជាច្រើនបានយកថ្ងៃ១៤ ខែកុម្ភៈ នៅក្នុង២០១៥ឆ្នាំនេះ មកបង្កើតជាកម្មវិធីផ្សេងៗ ដើម្បីជាប្រយោជន៍ដល់សង្គមជំនួសវិញ ដូចជាការបរិច្ចាគឈាមដោយមជ្ឈមណ្ឌលជាតិផ្តល់ឈាម កម្មវិធីសប្បុរសធម៌នៅសាកលវិទ្យាល័យភូមិន្ទភ្នំពេញ ការរត់ប្រណាំងគណៈកម្មការជាតិអូឡាំពិកកម្ពុជាជាដើម៕
កម្រងរូបភាព៖ សប្បុរសធម៌ក្នុងទិវានៃក្តីស្រឡាញ់ ១៤ កុម្ភៈ
១
អ្នកស្ម័គ្រចិត្តបរិច្ចាគឈាមញញឹមបន្ទាប់ពីបានបរិច្ចាគឈាមរួចក្នុងកម្មវិធី «ផ្តល់ឈាម ផ្តល់ក្តីស្រឡាញ់» នៅទីលានប្រជាធិបតេយ្យក្នុងរាជធានីភ្នំពេញ កាលពីថ្ងៃទី១៤ កុម្ភៈ ឆ្នាំ២០១៥។ មានមនុស្ស១៦០នាក់បានមកធ្វើការបរិច្ចាគឈាមនៅក្នុងកម្មវិធីនេះ។ (នូវ ពៅលក្ខិណា/VOA)
២
បុគ្គលិកនៃមជ្ឈមណ្ឌលជាតិផ្តល់ឈាមធ្វើការបូមឈាមពីអ្នកស្ម័គ្រចិត្តក្នុងកម្មវិធី «ផ្តល់ឈាម ផ្តល់ក្តីស្រឡាញ់» នៅទីលានប្រជាធិបតេយ្យ កាលពីថ្ងៃទី១៤ កុម្ភៈ ឆ្នាំ២០១៥។ មានមនុស្ស១៦០នាក់បានមកធ្វើការបរិច្ចាគឈាមនៅក្នុងកម្មវិធីនេះ។ (នូវ ពៅលក្ខិណា/VOA)
៣
អ្នកស្ម័គ្រចិត្តបរិច្ចាគឈាមងាកមុខចេញ ខណៈដែលបុគ្គលិកនៃមជ្ឈមណ្ឌលជាតិផ្តល់ឈាម ត្រៀមចាក់ម្ជុល ក្នុងកម្មវិធី «ផ្តល់ឈាម ផ្តល់ក្តីស្រឡាញ់» នៅទីលានប្រជាធិបតេយ្យ កាលពីថ្ងៃទី១៤ កុម្ភៈ ឆ្នាំ២០១៥។ មានមនុស្ស១៦០នាក់បានមកធ្វើការបរិច្ចាគឈាមនៅក្នុងកម្មវិធី«ផ្តល់ឈាម ផ្តល់ក្តីស្រឡាញ់» ដែលរៀបចំដោយមជ្ឈមណ្ឌលជាតិផ្តល់ឈាមដែលបានយកថ្ងៃ១៤ កុម្ភៈ ២០១៥។ (នូវ ពៅលក្ខិណា/VOA)
៤
ក្រុមនិស្សិតភាសាកូរ៉េវាយស្គរប្រពៃណីរបស់ប្រទេសកូរ៉េដើម្បីរៃអង្គាសប្រាក់ដាក់ក្នុងធុងនៅក្នុងកម្មវិធីសប្បុរសធម៌លើកទី៦របស់សកលវិទ្យាល័យភូមិន្ទភ្នំពេញ កាលពីថ្ងៃទី១៤ ខែកុម្ភៈ ឆ្នាំ២០១៥។ ខណៈពេលដែលយុវជនជាច្រើនបានយកថ្ងៃទី១៤ ខែកុម្ភៈ មកបង្ហាញពីក្តីស្រឡាញ់ ដោយឡែកនៅឆ្នាំ២០១៥នេះមានស្ថាប័នជាច្រើនបានយកថ្ងៃ១៤កុម្ភៈនេះ មកបង្កើតជាកម្មវិធីផ្សេងៗ ដើម្បីជាប្រយោជន៍ដល់សង្គមជំនួសវិញ ដូចជាកម្មវិធីសប្បុរសធម៌នៅសាកលវិទ្យាល័យភូមិន្ទភ្នំពេញជាដើម។ (នូវ ពៅលក្ខិណា/VOA)
៥
យុវជនម្នាក់លើកផ្លាកបង្ហាញពីតម្លៃម្ហូបដែលខ្លួនលក់នៅក្នុងកម្មវិធីសប្បុរសធម៌លើកទី៦របស់សាកលវិទ្យាល័យភូមិន្ទភ្នំពេញ កាលពីថ្ងៃទី១៤ ខែកុម្ភៈ ឆ្នាំ២០១៥។ ខណៈពេលដែលយុវជនជាច្រើនបានយកថ្ងៃទី១៤ ខែកុម្ភៈ មកបង្ហាញពីក្តីស្រឡាញ់ ដោយឡែកនៅឆ្នាំ២០១៥នេះមានស្ថាប័នជាច្រើនបានយកថ្ងៃ១៤កុម្ភៈនេះ មកបង្កើតជាកម្មវិធីផ្សេងៗ ដើម្បីជាប្រយោជន៍ដល់សង្គមជំនួសវិញ ដូចជាកម្មវិធីសប្បុរសធម៌នៅសាកលវិទ្យាល័យភូមិន្ទភ្នំពេញជាដើម។ (នូវ ពៅលក្ខិណា/VOA)
៦
អ្នកចូលរួមក្នុងកម្មវិធីរត់ម៉ារ៉ាតុន «ស្រ្តីនិងកីឡា ថ្ងៃនៃក្តីស្រឡាញ់» ដែលរៀបចំដោយគណៈកម្មការជាតិអូឡាំពិកកម្ពុជា និងក្រុមហ៊ុន Westec Media Limited នៅកោះពេជ្រ កាលពីព្រឹកថ្ងៃទី១៤ ខែកុម្ភៈ ឆ្នាំ២០១៥។ (នូវ ពៅលក្ខិណា/VOA)
៧
អ្នកចូលរួមក្នុងកម្មវិធីរត់ម៉ារ៉ាតុន «ស្រ្តីនិងកីឡា ថ្ងៃនៃក្តីស្រឡាញ់» ដែលរៀបចំដោយគណៈកម្មការជាតិអូឡាំពិកកម្ពុជា និងក្រុមហ៊ុន Westec Media Limited នៅកោះពេជ្រ កាលពីព្រឹកថ្ងៃទី១៤ ខែកុម្ភៈ ឆ្នាំ២០១៥។ (នូវ ពៅលក្ខិណា/VOA)