បាតុកម្មបន្តរីករាលដាលនៅទូទាំងសហរដ្ឋអាមេរិក ក្រោយការស្លាប់របស់លោក George Floyd ពលរដ្ឋអាមេរិកាំងដើមកំណើតអាហ្វ្រិក ដែលបានស្លាប់ បន្ទាប់ពីប៉ូលិសលុតជង្គង់សង្កត់ពីលើ ក ខណៈពេលដែលលោក Floyd ដេកនៅលើដីនិងជាប់ខ្នោះដៃ។ វីដេអូត្រូវបានគេមើលឃើញនៅជុំវិញពិភពលោកនិងបានបង្កឲ្យមានការខឹងសម្បារ។
កម្រងរូបភាព៖ បាតុកម្មបន្តធ្វើឡើងនៅទីក្រុងនានាដើម្បីតវ៉ាចំពោះការស្លាប់របស់លោក George Floyd
- VOA Khmer
១
កាលពីថ្ងៃទី២៩ ខែឧសភា ពលរដ្ឋនៅទីក្រុង Portland ដើរក្បួនធ្វើបាតុកម្មតវ៉ាចំពោះការស្លាប់របស់លោក George Floyd ពីសួន Peninsula ឆ្ពោះទៅកាន់មជ្ឈមណ្ឌល Justice នៅកណ្តាលក្រុង Portland រដ្ឋ Oregon។ (រូបថត AP)
២
ក្រុមបាតករធ្វើបាតុកម្មនៅខាងក្រៅភោជនីយដ្ឋាន fast food មួយកន្លែងដែលកំពុងឆាបឆេះកាលពីថ្ងៃទី២៩ ខែឧសភា ឆ្នាំ២០២០ នៅក្នុងទីក្រុង Minneapolis។ ក្រុមបាតុករធ្វើការតវ៉ាប្រឆាំង នឹងការស្លាប់របស់លោក George Floyd។ (រូបថត AP)
៣
ក្រុមបាតុករដុតសំរាមនៅទីក្រុង Oakland រដ្ឋ California កាលពីថ្ងៃសុក្រ ទី២៩ ខែឧសភា ឆ្នាំ២០២០ ខណៈធ្វើបាតុកម្មប្រឆាំងនឹងការស្លាប់របស់លោក George Floyd។ (រូបថត AP)
៤
ប៉ូលិសរដ្ឋ Minnesota ឈរការពារ ខណៈក្រុមអ្នកពន្លត់ភ្លើងកំពុងពន្លត់ភ្លើងកាលពីថ្ងៃទី២៩ ខែឧសភា ឆ្នាំ២០២០។ ពលរដ្ឋនាំគ្នាធ្វើបាតុកម្មប្រឆាំងនឹងការចាប់ខ្លួនលោក George Floyd ដែលបានស្លាប់ពេលប៉ូលិសឃាត់ខ្លួនកាលពីយប់ថ្ងៃច័ន្ទនៅទីក្រុង Minneapolis។ (រូបថត AP)
៥
ក្រុមបាតុករលុតជង្គង់មុខប៉ូលិសនៅថ្ងៃសៅរ៍ ទី៣០ ខែឧសភា ឆ្នាំ២០២០ នៅទីក្រុង Minneapolis។ បាតុកម្មបន្តកើតមានឡើងក្រោយការស្លាប់របស់លោក George Floyd។ (រូបថត AP)
៦
បាតុករម្នាក់ដែលត្រូវបានចាប់ខ្លួនឈរនៅក្រោយរថយន្តក្រុង ក្នុងអំឡុងពេលបាតុកម្មនៅមជ្ឈមណ្ឌល Barclaysកាលពីថ្ងៃទី២៩ ខែឧសភា ឆ្នាំ២០២០ នៅសង្កាត់ Brooklyn ក្នុងទីក្រុង ញូវយ៉ក ដើម្បីតវ៉ាប្រឆាំងនឹងការស្លាប់របស់លោក George Floyd។ (រូបថត AP)
៧
មនុស្សម្នានាំគ្នាពន្លត់ភ្លើងឆេះឡាន កាលពីថ្ងៃសុក្រ ទី២៩ ខែឧសភា ឆ្នាំ២០២០ នៅទីក្រុង Minneapolis។ ក្រុមបាតុករបន្តបាតុកម្មចំពោះការស្លាប់របស់លោក George Floyd។ (រូបថត AP)
៨
ក្រុមបាតុករកាន់ស្លាកសញ្ញាដើរកាត់ជួរប៉ូលិសនៅកណ្តាលក្រុង Columbus រដ្ឋ Ohio កាលពីថ្ងៃទី២៨ ខែឧសភា ឆ្នាំ២០២០ ក្នុងអំឡុងពេលបាតុកម្មពាក់ព័ន្ធនឹងការស្លាប់របស់លោក George Floyd ពេលស្ថិតក្រោមការឃាត់ខ្លួនរបស់ប៉ូលិស កាលពីថ្ងៃច័ន្ទ នៅក្នុងទីក្រុង Minneapolis។ (រូបថត AP)