დონალდ ტრამპის ნომინანტები რამდენიმე საკვანძო თანამდებობაზე
ამერიკის არჩეულმა პრეზიდენტმა, კაბინეტის, თეთრი სახლისა და დიპლომატიური კორპუსის რამდენიმე პოზიციაზე, ნომინანტები დაასახელა. ფოტოგალერეაში დონალდ ტრამპის მიერ შერჩეულ კანდიდატთა ნაწილს გაგაცნობთ. კაბინეტის წევრები და დიპლომატები საქმიანობას მხოლოდ სენატში დამტკიცების შემთხვევაში შეუდგებიან.
13
თეთრი სახლის მჩეველი ეროვნული უსაფრთხოების საკითხებში მაიკ უოლცი იქნება. რესპუბლიკელი კანონმდებელი დონალდ ტრამპის ადმინისტრაციაში სენატში დამტკიცების გარეშე გადაინაცვლებს. უოლცს წარმატებული სამხედრო კარიერა ჰქონდა, მან აშშ-ის შეიარაღებულ ძალებში ბოლოს პოლკოვნიკის რანგში იმსახურა და ამ ხნის განმავლობაში ბევრი საბრძოლო ჯილდოც მოიპოვა.
14
27 წლის კეროლინ ლევიტი ტრამპის საარჩევნო კამპანიის პრესმდივანი იყო, ორიოდ თვეში კი თეთრი სახლის პრესმდივანი გახდება. ლევიტი ამ პოსტზე შეერთებული შტატების ისტორიაში ყველაზე ახალგაზრდა კანდიდატია.
15
ისრაელის ელჩის პოსტზე არჩეულმა პრეზიდენტმა რესპუბლიკელი მაიკ ჰაკაბი წარადგინა. ჰაკაბი წარსულში რესპუბლიკელთა საპრეზიდენტო ნომინაციის მოპოვებას ორჯერ შეეცადა, 2008 და 2016 წლებში. მანამდე კი ის არკანზასის შტატის 44-ე გუბერნატორი იყო, 1996-დან 2007-მდე.
16
გაეროში შეერთებული შტატების ელჩის პოსტზე დონალდ ტრამპმა ელის სტეფანიკის კანდიდატურა დაასახელა. ის წარმომადგენელთა პალატის რესპუბლიკელი წევრია ნიუ-იორკის შტატიდან. 40 წლის სტეფანიკი კანონმდებლად პირველად 10 წლის წინ, 2014 წელს აირჩიეს.
