Zaman Lafiya Na Dada Tabbata Tsakanin Habasha Da Eritiriya

Shugaban Eritiriya (Eritrea) isa kasar Habasha a cigaba da daukar matakan kawo karshen fafatawar da kasashen biyu su ka kwashe shekaru 20 su na yi.

Ana kyautata zaton Isaias Afwerki zai yi kwanaki uku a kasar ta Habasha, inda zai sake bude ofishin Jakadancin kasar ta Eritrea a birnin Addis Ababa a gobe Litini sannan ya kuma ziyarci wani babban kamfani.

A makon jiya shi ma Firaministan Habasha Abiy Ahmed ya je kasar ta Eritrea inda shugabanni biyu su ka rattaba hannu kan yarjajjeniyar sake bude ofisoshin jakadancinsu, da maido da huldodin wasanni da diflomasiyya.