washington dc —
Sakon da kakakin rundunar ‘yan sandan Najeriya Muyiwa Adejobi ya wallafa a shafinsa na X yace, “aikin doka: ‘yan sanda sun gurfanar da honorabul alexander ikwechegh a gaban kotu saboda cin zarafi…cikakken bayani na nan tafe nan bada jimawa ba.”
Wani bidiyo da ya karade kafafen sada zumunta ya nuna Ikwechegh ya na marin direban motar haya Stephen Abuwatseya har sau 3 gabanin ya furta barazanar “batar da shi”.
Laifin direban motar hayar, daga bidiyon yadda al’amarin ya faru a shafin sadarwar X, shine na bukatar dan majalisar ya fito daga gidansa domin karbar sakon daya kawo masa.
Daga nan dan majalisar dake jin cewar an raina shi ya fara cin zarafin Abuwatseya
Dandalin Mu Tattauna