Hare-haren kasuwar shanun ta jikkata mutane sama da ashirin, an kashe dabbobi masu tarin yawa, an kuma sace da yawa daga cikin shanun dake kasuwar.Shaidun gani da ido sun bayyana cewar kafin kai hare-haren tada gobarar, wasu gaggan barayin dabbobi sun shiga kasuwar inda suka rika yiwa ‘yan tireda fashi. An kama guda daga cikin ‘yan fashin lokacin da ya nemi ya tsere, bayan an kamashi ‘yan kasuwar suka kona shi yam utu har lahira. Daga bisani ne kuma sai ‘yan bindigar suka je zagaye na biyu suka rika harbin kan mai uwa da wabi suna kuma jejjefa harsasan dake tada gobara.
Wasu ‘Yan Bindiga Sun Kai Hare-Hare Kasuwar Dabbobin Potiskum
Rahotannin dake fitowa daga jihar Yobe Arewa maso gabashin Nigeria na cewa, wasu ‘yan bindiga sun kai hare-haren da suka tada gobara a kasuwar dabbobin Potiskum daren jiya laraba, sannan mutane akalla 34 suka kone.
