A ci gaba da fafatawa da ake yi cikin gasar Premier League ta kasar Ingila, a yau Alhamis 26 ga watan Disamba 2019, kungiyoyin da za su kece-raini ciki har da wadda Manchester United za ta karbi bakoncinta - wato Newcastle United.

Wasu rahotanni na cewar, dan wasan tsakiya na Manchester United Paul Pgoba, na cikin 'yan wasan da za su fara buga wasan na yau, bayan ya dawo daga jinyar da ya yi fama da ita a kwanakin baya.

A sauran wasannin da za'a buga akwai Tottenham, za ta karbi bakoncin Brighton & Hove, sai Chelsea da Southampton, Sheffield United da Watford, da kuma Everton Burnley, Bournemouth da Arsenal.

Kana Aston Villa da Norwich Crystal Palace.

Za'a fara buga wasannin ne tun da misalin karfe 1 da rabi na rana agogon Najeriya, Nijar, da Kamaru.

Wasan da zai dau hankali a wannan ranar, shi ne wanda Leicester City za ta kara da Liverpool, wadda take mataki na daya daga saman teburin bana, shi kuma za'a fafata ne da karfe tara na yammaci.