Mai horas da 'yan wasan kungiyar kwallon kafa ta Manchester United Ole Gunnar Solskjaer, ya ce dan wasan tsakiyar kulob din Paul Pgoba ba na sayarwa bane, kamar yadda ake rade radin cewa zai bar kungiyar a watan Janairu mai zuwa, da zarar an bude saye da sayarwar 'yan wasa.

Ana alakanta dan wasan mai shekaru 26, da haihuwa da komawa kungiyar Real Madrid, wadda mai horas da ita Zidane ya nuna sha'awar sa kan dan wasan.

Pgoba, wanda ya dawo daga dogon jinya da yayi fama dashi tun a watan Satumba, inda ake kyauta cewar zai dawo atisaye a makon da ya gabata, sai dai ana tsammani ba zai buga wasan da Manchester United za suyi da Watford ba ranar Lahadi cikin gasar firimiya lig na bana.

Bayan haka Solkjaer ya karyata rade radin da ake cewar dan wasan, mai shekaru 19, ya zo Norway, da shi da mahaifinsa kan batun komawarsa Manchester United, kocin ya ce sunzo hutun Kirsimeti ne kawai.